ԵՐԵՎԱՆ, 12 ՄԱՅԻՍԻ, ՆՈՅԵԱՆ ՏԱՊԱՆ: Արամ Խաչատրեանի
տուն-թանգարանը յունիսի 6-ին` աշխարհահռչակ կոմպոզիտորի ծննդեան
օրը, կնշի իր հիմնադրման 30-ամեակը: Ինչպէս «ՆՈՅԵԱՆ ՏԱՊԱՆ»-ի
թղթակցին յայտնեց թանգարանի տնօրէն Արմինէ Գրիգորեանը, այդ
կապակցութեամբ թանգարանը պատրաստում է նոր մշտական ցուցադրություն,
որը կբացուի այս առթիւ կազմակերպւող միջոցառումների առաջին օրը:
Ա.Գրիգորեանը տեղեկացրեց, որ կկազմակերպուի նաեւ դասական
երաժշտութեան փառատոն, որտեղ կհնչեն հայազգի նշանաւոր
կոմպոզիտորների գործերը, ինչպէս նաեւ նոր ստեղծագործությունների
պրեմիերաներ: Կլինեն վոկալ սոլո եւ նվագախմբային կատարումներ:
Թանգարանը մեծ պատասխանատւութեամբ պատրաստւում է նաեւ «Արամ
Խաչատրեան» դաշնակահարների միջազգային մրցոյթին, որը կանցկացուի
պետական ֆինանսավորմամբ: