ԶԲՕՍԱՇՐՋՈՒԹԵԱՆ ԻՏԱԼԱԿԱՆ ՇՈՒԿԱՅՈՒՄ ՀԱՅԿԱԿԱՆ ՏՈՒՐԱՐՏԱԴՐԱՆՔՆ
ԱՒԵԼԻ ԼԱՒ Է ՆԵՐԿԱՅԱՑՈՒԱԾ, ՔԱՆ ՎՐԱՑԱԿԱՆՆ ՈՒ ԱԴՐԲԵՋԱՆԱԿԱՆԸ
29-04-2008 23:00:00 | Հայաստան | Տնտեսութիւն
ԵՐԵՎԱՆ, 29 ԱՊՐԻԼԻ, ՆՈՅԵԱՆ ՏԱՊԱՆ: ԱՄՆ-ի Միջազագային
զարգացման գործակալութեան կողմից իրականացyող «Մրցունակ մասնաւոր
հատուած Հայաստանում» (ՄՄՀՀ) ծրագիրը ՀՀ զբօսաշրջութեան ոլորտի
զարգացման նպատակով համակցում է աջակցութիւնը ե'ւ
տուրօպերատորների ցուցահանդեսներին մասնակցութեանը, ե'ւ մարքեթինքի
տարբեր այլ ուղղութիւններով աշխատանքների իրականացմանը: Այս
մօտեցման արդիւնքները բաւականին խօսուն են նպատակային` Ֆրանսիայի,
Իտալիայի, Անգլիայի, Ռուսաստանի եւ Սփիւռքի, շուկաների
պարագայում: Այս մասին «ՆՏ»-ի թղթակցի հետ զրոյցում յայտնեց
ծրագրի մրցունակութեան աւագ փորձագէտ Ալան Սաֆերին:
Հայկական տուրօպերատորների ցուցահանդեսներին մասնակցութեան եւ
այլ մարքեթինգային աշխատանքների զուգակցման միջոցով առաջխաղացման
յաջողուած օրինակ համարուեց 2007թ.-ին իտալական շուկայում ձեռնարկուած
քայլերը, մասնաւորապէս, մասնակցութիւնը այնտեղ կազմակերպուած երեք
ցուցահանդեսների:
Ծրագրի զբոսաշրջային մարքեթինգի եւ հաղորդակցման խորհրդատու
Նադյա Պասկուալի խօսքերով, Զբօսաշրջութեան զարգացման հայկական
գործակալութիւնը եւ հայկական տուրօպերատորները մօտ 5 տարի
մասնակցել են Միլանի միջազգային զբոսաշրջային ցուցահանդեսին, բայց
մինչեւ 2007թ.-ն առանձանակի արդիւնքներ չէին արձանագրում: Դրա
պատճառն այն էր, որ հայկական տուրօպերատորները ցուցահանդեսներից
յետոյ պատշաճ աշխատանքներ չէին տանում գործարար կապերի հաստատման,
մամուլի հաղորդագրութիւնների տարածման եւ մարքեթինգի այլ
ուղղութիւններով: Արդիւնքում, փոքր թւով իտալական
տուրգործակալներ եւ զբօսաշրջութեան ոլորտի լրագրողներ էին
քաջատեղյակ դառնում Հայաստանի մասին: Ըստ Ն.Պասկուալի, իտալական
շուկայում արդէն իսկ նպատակահարմար է հիմնել զբօսաշրջութեան ոլորտի
Հայաստանի ներկայացուցչութիւն:
Ա.Սաֆերիի խօսքերով, ՄՄՀՀ-ն աշխատանքներ է տանում նաեւ
համացանցում` հնարվորինս մեծ թւով զբոսաշրջային հեղինակաւոր
պորտալներում, որպէս զբոսաշրջավայր Հայաստանի ներկայացուածութիւնն
ապահովելու ուղղութեամբ: Նշուեց, որ ներյայումս այդ պորտալներում
Հայաստանի մասին տեսաձայնային տեղեկատուութեան ծաւալը շատ փոքր է,
թէեւ առաջնային է դրանցում տեքստային եւ պատկերների ձեւով
տեղեկատուութեան տրամադրումը: Ըստ փորձագետի, Հայաստանի
կառավարութիւնը շատ քիչ գումարներ է ծախսում զբօսաշրջութեան
մարքեթինգային խթանման աշխատանքների վրայ. եթէ 2005թ.-ին երկրի
բնակչութեան մէկ շնչի հաշւով այդ նպատակին ուղղուել է 14 եվրոցենտ,
ապա Սլովենիայում այդ ցուցանիշը կազմել է 4,2 եւրօ:
Այնուամենայնիւ, ըստ Ն.Պասկուալի, մասնաւորապէս, իտալական
շուկայում հայկական զբոսաշրջային ինդուստրիան աւելի լաւ է
ներկայացուած, քան Ադրբեջանինը կամ Վրաստանինը, եւ իտալացի
տուրգործակալները այդ երկրների հետ չունեն այն կապերը, որոնք առկայ
են հայկական տուրօպերատորների եւ զբօսաշրջութեան ոլորտի պետական
կառոյցների հետ:
Ծրագրի զբօսաշրջութեան համախմբի (կլաստեր) համակարգող Արմինէ
Իսրայելեանի գնահատմամբ, հայկական տուրօպերատորների կողմից
մարքեթինգային աշխատանքների իրականացման ուղղութեամբ կատարւող
ծախսերը գնալով մեծանում են: