2008 Թ.-Ի ՅՈՒՆՈՒԱՐ-ՓԵՏՐՈՒԱՐԻՆ ՆԱԽՈՐԴ ՏԱՐՈՒԱՅ ՆՈՅՆ ԱՄԻՍՆԵՐԻ
ՀԱՄԵՄԱՏ ՀԱՅԱՍՏԱՆԻՑ ԱՐՏԱՀԱՆՈՒՄՆ ԱՃԵԼ Է 6,2%-ՈՎ, ՆԵՐՄՈՒԾՈՒՄԸ`
30,2%-ՈՎ
22-04-2008 16:00:00 | Հայաստան | Տնտեսութիւն
ԵՐԵՎԱՆ, 22 ԱՊՐԻԼԻ, ՆՈՅԵԱՆ ՏԱՊԱՆ: ՀՀ արտաքին
առեւտրաշրջանառութեան ծաւալը 2008թ.-ի յունուար-փետրուարին, ընթացիկ
գներով, կազմել է 211,4 մլրդ դրամ կամ 687 մլն ԱՄՆ դոլար: Այդ
թւում ապրանքների արտահանումը կազմել է 44,2 մլրդ դրամ կամ 143,6
մլն դոլար, իսկ ներմուծումը` 167,2 մլրդ դրամ կամ 543,4 մլն դոլար:
Արտաքին առեւտրի հաշուէկշիռը բացասական է 123 մլրդ դրամով (399,7
մլն դոլարով), իսկ առանց մարդասիրական օգնութեամբ ստացուած բեռների`
121,2 մլրդ դրամով (394 մլն դոլարով):
ՀՀ Ազգային վիճակագրական ծառայութեան տուեալներով, 2008թ.-ի
յունուար-փետրուարին արտահանման ծաւալը 2007թ.-ի յունուար-փետրուարի
նկատմամբ աճել է 6,2%-ով, իսկ ներմուծմանը` 30,2%-ով:
2008թ.-ի յունուար-փետրուարին Հայաստանից ԱՊՀ երկրներ
արտահանման ծաւալը կազմել է 41 մլն 799,9 հազ. դոլար, ինչը նախորդ
տարուայ համեմատ աճել է 0,1%-ով, իսկ ներմուծումն, ըստ առեւտուր անող
երկրի, կազմել է 176 մլն 119,7 հազ. դոլար` աճելով 30,6%-ով:
Ռուսաստան արտահանման ծաւալը կազմել է 27 մլն 140,1 հազ.
դոլար եւ նուազել 0,4%-ով, իսկ ներմուծումը` 113 մլն 490,6 հազ.
դոլար եւ աճել 23,9%-ով: Վրաստան արտահանման ծաւալը կազմել է 8 մլն
322,3 հազ. դոլար (նուազումը` 7,7%), ներմուծմանը` 22 մլն 295,6
հազ. դոլար (աճը` 30,7%): Ուկրաինա արտահանման ծաւալը կազմել է 3
մլն 364,8 հազ. դոլար (աճը` 30,7%), ներմուծմանը` 32 մլն 798,9
հազ. դոլար (աճը` 52,6%):
Եւրոմիութեան երկրներ արտահանման ծաւալը 2008թ.-ի
յունուար-փետրուարին կազմել է 80 մլն 477,3 հազ. դոլար եւ նախորդ
տարուայ նոյն ժամանակահատուածի համեմատ աճել 23,5%-ով, իսկ
ներմուծումը` 159 մլն 338,2 հազ. դոլար` աճելով 28,2%-ով:
Բելգիա արտահանման ծաւալը կազմել է 13 մլն 515,9 հազ. դոլար
(աճը` 15%), ներմուծումը` 22 մլն 8,8 հազ. դոլար (նուազումը`
15,3%): Բուլղարիա արտահանման ծաւալը կազմել է 6 մլն 744,4 հազ.
դոլար (աճը` 5,2 անգամ), ներմուծումը` 2 մլն 794,7 հազ. դոլար
(նուազումը` 45,5%): Գերմանիա արտահանման ծաւալը կազմել է 24 մլն
692,5 հազ. դոլար (աճը` 10%), իսկ ներմուծմանը` 18 մլն 972,5 հազ.
դոլար (աճը` 54,7%): Ֆրանսիա արտահանման ծաւալը կազմել է 2 մլն
615,8 հազ. դոլար (աճը` 52,4%), ներմուծումը` 16 մլն 237,6 հազ.
դոլար (աճը` 2,4 անգամ): Յունաստան արտահանման ծաւալը կազմել է
101,9 հազ. դոլար (նուազումը` 28,8%), ներմուծումը` 2 մլն 855,6
հազ. դոլար (նուազումը` 78,2%):
2008թ.-ի յունուար-փետրուարին Հայաստանից Իտալիա են արտահանուել
6 մլն 124,7 հազ. դոլարի ապրանքներ (աճը` 41,3%), ներմուծուել` 14
մլն 407,4 հազ. դոլարի (աճը` 20,1%): Նիդեռլանդներ արտահանուել են
22 մլն 880,2 հազ. դոլարի ապրանքներ (աճը` 36,2%), ներմուծուել` 7
մլն 667,7 հազ. դոլարի (աճը` 228%): Նշուած ժամանակահատուածում Մեծ
Բրիտանիա արտահանուած ապրանքների ծաւալը կազմել է 1 մլն 322,7 հազ.
դոլար (աճը` 5,3 անգամ), ներմուծուած ապրանքներինը` 15 մլն 701,3
հազ. դոլար (նուազումը` 10,9%), Իսպանիայի պարագայում այդ
ցուցանիշները կազմել են, համապատասխանաբար, 29,9 հազ. դոլար
(նուազումը` 99,3%) եւ 3 մլն 860 հազ. դոլար (աճը` 142,5%):
Բացի ԱՊՀ ու Եւրոմիութեան երկրներից, այլ երկրներ արտահանման
ծաւալը 2008թ.-ի յունուար-փետրուարին կազմել է 21 մլն 340,6 հազ.
դոլար (նուազումը` 24,5%), ներմուծմանը` 207 մլն 892,5 հազ. դոլար
(աճը` 31,4%): Այդ թւում, Իսրայել արտահանումը կազմել է 1 մլն
425,9 հազ. դոլար (նուազումը` 20,2%), ներմուծումը` 331,7 հազ.
դոլար (նուազումը` 95,9%): ԱՄՆ-ի պարագայում այդ ցուցանիշները
կազմել են, համապատասխանաբար, 5 մլն 679,6 հազ. դոլար (նուազումը`
20,2%) եւ 22 մլն 678,7 հազ. դոլար (նուազումը` 8,4%), Արաբական
Միացեալ Էմիրությունների պարագայում` 3 մլն 648 հազ. դոլար (աճը`
2,9 անգամ) եւ 51 մլն 732,3 հազ. դոլար (աճը` 27,4%), Իրանի
պարագայում` 3 մլն 500,6 հազ. դոլար (աճը` 25,5%) եւ 21 մլն 302,1
հազ. դոլար (աճը` 20,7%), Թուրքիայի պարագայում` 311,8 հազ. դոլար
(նուազումը` 52,4%) եւ 15 մլն 685,2 հազ. դոլար (աճը` 52,1%),
Շվեյցարիայի պարագայում` 3 մլն 784,9 հազ. դոլար (նուազումը` 48,2%)
եւ 10 մլն 71,6 հազ. դոլար (նուազումը` 2%), Չինաստանի պարագայում`
238,5 հազ. դոլար (աճը` 69,4%) եւ 14 մլն 333,4 հազ. դոլար (աճը`
25,9%): Հայաստանից Պանամա 2007թ.-ի յունուար-փետրուարին ապրանքներ
չեն արտահանուել, սակայն այդ երկրից ներմուծումը կազմել է 17 մլն
778,6 հազ. դոլար (աճը` 60,4%):