ԱՌԱՋԻԿԱՅՈՒՄ ԿԻՐԱԿԱՆԱՑՈՒԵՆ ՓՈՔՐ ՁԵՌՆԱՐԿԱՏԻՐՈՒԹԵԱՆ ՈԼՈՐՏԻՆ
ՎԵՐԱԲԵՐՈՂ ՀԱՐԿԱՅԻՆ ՕՐԷՆՍԴՐՈՒԹԵԱՆ ԵՎ ՎԱՐՉԱՐԱՐՈՒԹՅԱՆ
ԿԱՏԱՐԵԼԱԳՈՐԾՄԱՆՆ ՈՒՂՂՈՒԱԾ ՄԻՋՈՑԱՌՈՒՄՆԵՐ
18-04-2008 18:30:00 | Հայաստան | Տնտեսութիւն
ԵՐԵՎԱՆ, 18 ԱՊՐԻԼԻ, ՆՈՅԵԱՆ ՏԱՊԱՆ: Յունվարի 1-ից Հայաստանում
գործողութեան մէջ են դրուել «Պարզեցուած հարկի մասին» օրէնքում
կատարուված փոփոխութիւնները, ըստ որոնց պարզեցուած հարկով աշխատող
մանր ձեռներեցները, որոշ ծառայութիւններ մատուցողներն անցել են
հարկման ընդհանուր կարգի դաշտ: Ինչպէս ապրիլի 18-ին լրագրողների
հետ հանդիպմանը յայտնեց Հարկային պետական ծառայութեան (ՀՊԾ) պետի
տեղակալ Արմէն Ալավերդեանը, այդ փոփոխութիւնների արդիւնքում
առաջին եռամսյակում մանր ձեռներեցների համար ստեղծուել են որոշակի
դժուարութիւններ` կապուած հարկային եւ հաշուապահական հաշուառման,
փաստաթղթաշրջանառության եւ վարչարարության հետ:
Ա.Ալավերդեանի խօսքերով, այդ խնդիրների լուծման համար ՀՀ
նախագահի յանձնարարութեամբ մշակtyել է միջոցառումների
ժամանակացույց, որն արդէն հաստատուել է վարչապետի կողմից:
Մասնաւորապէս, դրանց լուծման պատասխանատւութիւնը դրուել է ՀՊԾ-ի
վրայ: Ըստ Ա.Ալավերդեանի, ՀՊԾ-ի պետի հրամանով հարկային բոլոր
մարմիններին ցուցում է տրուել ձեռնպահ մնալ հաշուտւութիւնները ուշ
ներկայացնելու ժամանակ փոքր բիզնեսի նկատմամբ վարչական
պատասխանատւութիւն կիրառելուց եւ օժանդակել նրանց այդ հարցում:
Նոյն հրամանով, փոքր բիզնեսի ներկայացուցիչների մօտ պահեստաւորուած
ապրանքանիւթական արժէքների գոյքագրումներ եւ ստուգումներ չպէտք է
իրականացուեն: Նշուեց, որ ստուգումները պէտք է իրականացուեն միայն
ակնյայտ հարկերից խուսափելու դէպքերում:
Ըստ Ա.Ալավերդեանի, կարեւոր քայլ է նաեւ առաջիկայում փոքր
բիզնեսի զարգացմանը միտուած օրենսդրական փոփոխութիւնների մշակումը:
Ըստ այդմ, նախատեսւում է փոքր բիզնեսի համար օրէնսդրօրէն սահմանել
տարեկան շրջանառութեան նուազագոյն շեմը, որից ցածր գտնուողները
հարկման առումով կհամարուեն փոքր բիզնեսներ եւ դրանց համար
կսահմանվեն բազմաթիւ մեղմ պայմաններ: Մասնաւորապէս, կը նուազեցուի
տրամադրուող հաշվետվությունների թիւը, կպարզեցվեն հաշուապահական
հաշուառման խնդիրները եւ հարկման ընթացակարգերը: Ըստ Ա.Ալավերդեանի,
Հայաստանի նման 30 երկրների փորձի ուսումնասիրութեամբ պարզուել է,
որ այնտեղ տարեկան շրջանառութեան նուազագոյն շեմը սահմանուած է
20-120 հազար ԱՄՆ դոլար:
Ա.Ալավերդեանը նշեց, որ նախկինում պարզեցուած հարկով աշխատելը
նպատակահարմար չէր, քանի որ, ըստ վիճակագրական տուեալների,
2007թ.-ին գործել են պարզեցուած հարկ վճարող շուրջ 32 հազար
տնտեսվարող սուբյեկտներ, որոնց տարեկան միջին շրջանառութիւնը
կազմել է ընդամէնը 17 մլն դրամ: Սակայն, ըստ նրա, այդ սուբյեկտների
թուի 16 անգամ աճի դէպքում պետբիւջէի եկամուտներն աճել են ընդամէնը
3-3,5 անգամ: Իսկ աճի նման միտումը, ըստ Ա.Ալավերդեանի, լուրջ
վտանգ կարող էր առաջացնել պետբիւջէի կատարման առումով: Նշուեց
նաեւ, որ մարտ ամսուայ դրութեամբ, այդ հարկատեսակով աշխատում են մօտ
16-17 հազար ընկերութիւններ: