ՆԱԽՈՐԴ ՏԱՐՈՒԱՅ ՀԱՄԵՄԱՏ 2007 Թ.-ԻՆ ՀԱՅԱՍՏԱՆԻ ՏՆՏԵՍՈՒԹԻՒՆ
ՈՒՂՂԱԿԻ ՆԵՐԴՐՈՒՄՆԵՐԻ ԾԱՒԱԼԸ 34%-ՈՎ ԱՃԵԼ Է
16-04-2008 15:05:00 | Հայաստան | Տնտեսութիւն
ԵՐԵՎԱՆ, 16 ԱՊՐԻԼԻ, ՆՈՅԵԱՆ ՏԱՊԱՆ: 2007թ.-ին Հայաստանի
տնտեսութեան իրական հատուած օտարերկրեայ ներդրումների հոսքերի ծաւալը
(առանց պետական կառավարման եւ բանկային համակարգով ստացվածի)
կազմել է 845 մլն 377,3 հազ. դոլար, կամ նախորդ տարուայ նոյն
ժամանակահատուածի համեմատ 34,6%-ով աւելի: Դրանից ուղղակի
ներդրումների ծաւալը կազմել է 582 մլն 314,1 հազ. դոլար կամ
2006թ.-ի ցուցանիշից 34%-ով աւելի:
ՀՀ Ազգային վիճակագրական ծառայութեան տուեալներով, 2007թ.-ին
ուղղակի ներդրումների 7%-ը կամ 40 մլն 703,6 հազ. դոլարը կազմել են
ՀՀ ոչ ռեզիդենտ կազմակերպություններին ՀՀ ռեզիդենտ
կազմակերպութիւնների սեփականաշնորհումից ստացուած միջոցները: Առանց
սեփականաշնորհման միջոցների իրական յատուածում կատարուված օտարերկրեայ
ընդհանուր ներդրումների ծաւալը 2006թ.-ի համեմատ աճել է 33,9%-ով,
իսկ ուղղակի ներդրումներինը` 32,9%-ով:
2007թ.-ին տնտեսութեան իրական յատուածում կատարուված օտարերկրեայ
ներդրումների 30,9%-ը եւ ուղղակի ներդրումների 25,7%-ն ուղղուել են
կապի ոլորտ: Ուղղակի ներդրումների 38,3%-ն իրականացուել է
էլեկտրաէներգիայի, գազի, տաք ջրի եւ գոլորշու արտադրութեան ու
բաշխման, իսկ 10,7%-ը` հանքագործական արդյունաբերությունում: