ԻՐԱՆ-ՀԱՅԱՍՏԱՆ ԳԱԶԱՏԱՐԻ ՔԱՋԱՐԱՆ-ԱՐԱՐԱՏ ՀԱՏՈՒԱԾԻ ՀԱՎԱՔԱԿՑՄԱՆ
ԱՇԽԱՆՔՆԵՐԸ ԿԱՒԱՐՏՈՒԵՆ ԱՇՆԱՆԸ
31-03-2008 20:45:00 | Հայաստան | Տնտեսութիւն
ԵՐԵՎԱՆ, 31 ՄԱՐՏԻ, ՆՈՅԵԱՆ ՏԱՊԱՆ: Իրան-Հայաստան գազատարի
Քաջարան-Ջերմուկ-Արարատ հատուածի հավաքակցման աշխատանքները
նախատեսւում է աւարտել 2008թ.-ի աշնանը: Ինչպէս «ՆՈՅԵԱՆ ՏԱՊԱՆ»-ի
թղթակցին յայտնեցին «հայռուսգազարդ»-ի մամուլի ծառայութիւնից,
գազատարի Քաջարան-Արարատ հատուածի շինաշխատանքերը եղանակային
անբարենպաստ պայմանների պատճառով յունուարին դադարեցուել էին եւ
վերսկսուել են մօտ մէկ ամիս առաջ: Շինարարութիւնն իրականացւում է
Քաջարան-Սիսիան եւ Սիսիան-Ջերմուկ-Արարատ հատուածներում: Արդէն
Հայաստան են ներկրուել անհարաժեշտ քանակությամբ խողովակներ:
Նշուեց, որ 204,51 կմ երկարությամբ Քաջարան-Արարատ գազատարի
շահագործումը հնարաւորութիւն կտայ ընդլայնել Հայաստան մատակարարւող
բնական գազի ռեսուրսային բազան այլընտրանքային աղբիւրի միջոցով: