2008 Թ.-Ի ՅՈՒՆՈՒԱՐԻՆ ՆԱԽՈՐԴ ՏԱՐՈՒԱՅ ՆՈՅՆ ԱՄՍՈՒԱՅ ՀԱՄԵՄԱՏ
ԿԵՆՍԱԹՈՇԱԿՆԵՐԻ ՖԻՆԱՆՍԱՒՈՐՄԱՆ ԾԱՒԱԼՆ ԱՃԵԼ Է 85,9%-ՈՎ, ԻՍԿ
ՆՊԱՍՏՆԵՐԻՆԸ` 37,1%-ՈՎ
11-03-2008 19:30:00 | Հայաստան | Տնտեսութիւն
ԵՐԵՎԱՆ, 11 ՄԱՐՏԻ, ՆՈՅԵԱՆ ՏԱՊԱՆ: 2008թ.-ի յունուարին ՀՀ
պետբիւջէի ծախսերի 51,2%-ն ուղղուել է սոցիալական նպաստներին եւ
կենսաթոշակներին, որոնք կազմել են 16,5 մլրդ դրամ (մօտ 53,8 մլն
ԱՄՆ դոլար) կամ եռամսյակային ծրագրի 32%-ը: Մասնաւորապէս, 13,1
մլրդ դրամ է տրամադրվել կենսաթոշակներին, 3,4 մլրդ դրամ`
նպաստներին: 2007թ.-ի յունվարի համեմատ կենսաթոշակների
ֆինանսաւորման ծաւալն աճել է 85,9%-ով, իսկ նպաստներինը` 37,1%-ով:
ՀՀ Ֆինանսների եւ էկոնոմիկայի նախարարութեան լրատուական
ծառայութեան տուեալներով, 2008թ.-ի յունուարին պետական բիւջէի ոչ
ֆինանսական ակտիւների հետ գործառնութիւնների ծախսերը կազմել են
886,6 մլն դրամ, որից 1,7 մլրդ դրամ կազմել են ոչ ֆինանսական
ակտիւների գծով ծախսերը, իսկ 2,6 մլրդ դրամ` ոչ ֆինանսական
ակտիւների օտարումից մուտքերը: 2007թ.-ի յունվարի համեմատ ոչ
ֆինանսական ակտիւների գծով ծախսերը նուազել են 24,5%-ով, իսկ ոչ
ֆինանսական ակտիւների օտարումից մուտքերը` 34,7%-ով:
2008թ.-ի յունվարի ընթացքում ՀՀ պետբիւջէն (առանց արտաքին
աղբիւրներից ֆինանսաւորւող վարկային ծրագրերի գծով միջոցների
ներհոսքի) կատարուել է 15,2 մլրդ դրամ հավելուրդով: Ընդ որում,
յաւելուրդը ներքին աղբիւրներից ֆիանանսավորվել է 12,9 մլրդ դրամի,
իսկ արտաքին աղբիւրներից` 2,3 մլրդ դրամի չափով: Նախորդ տարուայ
յունվարի համեմատ պետական բիւջէի յաւելուրդը նուազել է 34%-ով, ընդ
որում, ներքին աղբիւրներից ձեւաւորուած յաւելուրդը նուազել է
39,7%-ով, արտաքին աղբիւրներից` աւելացել 44,7%-ով:
Հավելուրդի ֆինանսաւորման ներքին աղբիւրներում 4,2 մլրդ դրամ
են կազմել փոխառու միջոցներից (արժեթղթերից) զուտ մուտքերը: Շուրջ
8,7 մլրդ դրամով աւելացել են ազատ բիւջէտային միջոցները:
2008թ.-ի յունուարին ՀՀ պետբիւջէից վարկավորումը կազմել է 1,8
մլրդ դրամ, որը տրամադրվել է ԼՂՀ-ին: Այն 25,4%-ով գերազանցել է
նախորդ տարուայ նոյն ցուցանիշը:
Արտաքին պարտաւորութիւնների մարմանը 2008թ.-ի յունուարին
ուղղուել է 474,8 մլն դրամ, որը յատկացուել է Համաշխարհային բանկի
աջակցութեամբ իրականացyող ծրագրերի գծով պարտքի մարմանը: