«ԱՐՄԷՆՏԵԼ»-Ը ՊԱՏՐԱՍՏ Է ՊԵՏԱԿԱՆ ԾՐԱԳՐԵՐԻ ԳԾՈՎ
ՀԱՄԱԳՈՐԾԱԿՑՈՒԹԵԱՆԸ
24-10-2008 14:44:00 | Հայաստան | Տնտեսութիւն
ԵՐԵՎԱՆ, 24 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Մինչեւ 2008թ.-ի վերջն
«արմէնտել»-ը թվանիշային կապ կապահովի Հայաստանի 70-80 տոկոս
տարածքում, նախատեսուած 5 քաղաքի փոխարէն ինտերնետ հասանելիութեան
կապահովուի 22-23 քաղաքներում: «Արմէնտել»-ը պատրաստ է
համագործակցել ինտերնետի հասանելիութեան, էլեկտրոնային կառավարման
եւ կրթութեան տարածմանն ուղղուած պետական ծրագրերի իրականացման
ոլորտում: Այս մասին յայտնեց «արմէնտել» ՓԲ ընկերութեան գլխաւոր
տնօրէն Նեյչո Վելիչկովը:
Անդրադառնալով ինտերնետ հասանելիութեան ծառայութիւնների
շուկայում գների նուազեցման հնարաւորութիւններին, նա նշեց, թէ «երբ
«արմէնտել»-ը կատարեց ինտերնետի էժանացման ուղությամբ առաջին
քայլը, որը «hi-line» ծառայութեան (ամսական վճար/անսհամանափակ
ինտերնետ սխեմա) գործարկումն էր, ընկերութիւնը տուգանվեց ՀՀ
Տնտեսական մրցակցութեան պաշտպանութեան պետական յանձնաժողովի
կողմից: Դա հակամրցակցային քաղաքականութիւն է: Եթէ մի օպերատոր
ունի սպառողների կողմից պահանջված որակեալ ծառայութիւն մատուցելու
հնարաւորութիւն, ապա նրան պէտք է տրվի այդ հնարաւորութիւնն
օգտագործելու շանս»:
Այն հարցին, որ եթէ միւս օպերատորները դադարեն «արմէնտել»-ին
մեղադրել այն բանում, որ ընկերութիւնն օգտագործում է
«արմէնտել»-ին պատկանող ֆիքսուած հեռախօսակապի գծերը, ընկերութիւնը
կնուազեցնի՞ «hi-line»-ի գները, Ն.Վելիչկովը պատասխանեց, որ միւս
օպերատորներն օգտագործում են այդ գծերը, եւ ներկայումս
«արմէնտել»-ը տրամադրում է իր գծերը նման ցանկութիւն յայտնած
բոլոր օպերատորներին: Նա յաւելեց, որ «արմէնտել»-ը յստակ կատարում
է բոլոր այն պարտաւորութիւնները, որոնք ունի ըստ օրէնսդրութեան:
Պարզաբանվեց, որ «արմէնտել»-ին տուգանել են ոչ թէ գծեր
չտարամադրելու համար, այլ այն բանի, որ ընկերութիւնը չարաշահում է
իր մենաշնորհային դիրքը ինտերնետ հասանելիութեան ծառայութիւնների
շուկայում, ինչն, ըստ Ն.Վելիչկովի, այդպէս չէ:
«արմէնտել»-ի գլխաւոր տնօրէնի գնահատմամբ, Հայաստանում կան
այդ ծառայութիւնների գների յետագայ նուազեցման տնտեսական
հնարաւորութիւններ, որոնք կախուած են միջազգային կապուղիների
օպերատորներից գնուող տրաֆիկի գների նվազեցումից եւ Հայաստանում
վերջնական սպառողների թուի աճից: Ըստ Ն.Վելիչկովի բերած օրինակի, 6
մեգաբիթ/վրկ արագագործութեամբ անսահմանափակ ինտերնետի համար նա
Բուլղարիայում վճարում է ամսական 12 եւրօ: Իսկ «արմէնտել»-ը 1
մեգաբիթ/վրկ արագագործութեամբ ինտերնետի համար ամսական գանձում է
75,6 եվրոյին համարժէք գումար: Միաժամանակ, պրովայդերներն այնտեղ
Հայաստանի համեմատ 10 անգամ էժան են գնում տրաֆիկը միջազգային
կապուղիների օպերատորներից: