2008 Թ.-Ի ՅՈՒՆՈՒԱՐ-ՕԳՈՍՏՈՍԻՆ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ՀԱՅԱՍՏԱՆՈՒՄ ԱՐԴԻՒՆԱԲԵՐԱԿԱՆ ԱՐՏԱԴՐԱՆՔԻ
ԾԱՒԱԼԸ 2,2%-ՈՎ ԱՃԵԼ Է
10-10-2008 19:48:00 | Հայաստան | Տնտեսութիւն
ԵՐԵՎԱՆ, 10 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: 2008թ.-ի
յունուար-օգոստոսին Հայաստանում, ընթացիկ գներով, թողարկվել է 496
մլրդ 157 մլն դրամի (աւելի քան 1 մլրդ 620,2 մլն ԱՄՆ դոլար)
արդիւնաբերական արտադրանք, իրացուել է 483 մլրդ 73,2 մլն դրամի
արտադրանք, որից ԱՊՀ երկրներում` 47 մլրդ 809,4 մլն դրամի, այլ
երկրներում` 104 մլրդ 614,2 մլն դրամի արտադրանք:
ՀՀ Ազգային վիճակագրական ծառայութեան տուեալներով, 2007թ.-ի
յունուար-օգոստոսի նկատմամբ արդիւնաբերական արտադրանքի ինդեքսը
կազմել է 102,2%, իսկ արդիւնաբերական արտադրանքի ինդեքսն առանց
էլեկտրաէներգիայի, գազի, ջրի արտադրութեան եւ բաշխման` 100,9%: