ՍԵՊՏԵՄԲԵՐԻ 29-ԻՆ ՇԱՀԱԳՈՐԾՄԱՆ ԿՅԱՆՁՆՈՒԻ ՍԱՐԱԼԱՆՋԻ ՆՈՐ
ՄԱՅՐՈՒՂԻՆ
19-09-2008 14:12:00 | Հայաստան | Տնտեսութիւն
ԵՐԵՎԱՆ, 19 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: «Լինսի» հիմնադրամի
միջոցներով Հայաստանում իրականացւում են միջպետական եւ
հանրապետական ճանապարհների շինվերանորոգման աշխատանքներ: Ինչպէս
սեպտեմբերի 19-ի ասուլիսում յայտնեց հիմնադրամի
«Ճանապարհաշինութիւն» ԾԻԳ-ի տնօրէն Էդուարդ Բեզոյանը, ծրագրի
շրջանակներում կառուցուել է Շիրակի մարզի 41 կմ ընդհանուր
երկարությամբ Հոռոմ-Արթիկ-Ալագեազ, ինչպէս նաեւ 16,2 կմ
երկարությամբ Արմաւիր-Իսահակեան-Գիւմրի աւտոճանապարհը: Այս
աշխատանքների համար յատկացուել է 16 մլն ԱՄՆ դոլար:
Է.Բեզոյանի խօսքերով, ներկայումս հսկայածաւալ շինաշխատանքներ
են իրականացւում մայրաքաղաքում, որոնց համար յատկացուել է 20,9 մլն
դոլար, որից մօտ 3 մլն դոլարով իրականացուել են Տիգրան Մեծ պողոտայի
վերակառուցման աշխատանքները` Տաշիր առեւտրի կենտրոնից մինչեւ
Սասունցի Դավիթ հրապարակը: Ներկայումս ընթացքի մէջ են Կոմիտասի
պողոտայի վերակառուցման աշխատանքները` Կասյանից մինչեւ Տիգրանյան
փողոց: Պողոտայի վերակառուցման համար յատկացուել է 1 մլրդ 400 մլն
դրամ: Է.Բեզոյանը վստահեցրեց, որ այս տարի ամբողջութեամբ կաւարտուեն
2 տարի առաջ սկսուած Կոմիտասի պողոտայի վերակառուցման աշխատանքները:
Հիմնադրամի միջոցներով կառուցւող երրորդ խոշոր կառոյցը
Սարալանջի նոր մայրուղին է: Այն սկսւում է Աւետիսեան-Փափազյան
խաչմերուկից, հասնում մինչեւ Ազատութեան պողոտայ եւ շարունակւում
մինչեւ Հերացի-Մյասնիկյան փողոցների հատման հատուածը: Է.Բեզոյանը
յայտնեց, որ 3 խոշոր տրանսպորային հանգույցներից բաղկացած
մայրուղու ընդհանուր երկարությունը մօտ 2,7 կմ : Ըստ նրա,
մայրուղու կառուցումից յետոյ Հերացի փողոցից մինչեւ Կոմիտասի պողոտայ
մեքենաները կհասնեն 1,5-2 րոպեում` նախկին 15-20 րոպեի փոխարէն:
Է.Բեզոյանի խօսքերով, Սարալանջի մայրուղու կառուցման համար
յատկացուել է 6 մլրդ դրամ: Նշուեց նաեւ, որ մայրուղին շահագործման
կյանձնուի սեպտեմբերի 29-ին: