2008 Թ.-Ի ԵՐԿՐՈՐԴ ԵՌԱՄՍՅԱԿՈՒՄ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ՀՀ ԿԲ-Ի ՎՃԱՐԱՅԻՆ ՀԱՄԱԿԱՐԳԵՐՈՎ
ԷԼԵԿՏՐՈՆԱՅԻՆ ՎՃԱՐՈՒՄՆԵՐԻ ԾԱՒԱԼԸ 29,6%-ՈՎ ԱՃԵԼ Է
2008 Թ.-Ի ԵՐԿՐՈՐԴ ԵՌԱՄՍՅԱԿՈՒՄ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ՀՀ ԿԲ-Ի ՎՃԱՐԱՅԻՆ ՀԱՄԱԿԱՐԳԵՐՈՎ
ԷԼԵԿՏՐՈՆԱՅԻՆ ՎՃԱՐՈՒՄՆԵՐԻ ԾԱՒԱԼԸ 29,6%-ՈՎ ԱՃԵԼ Է
26-08-2008 20:00:00 | Հայաստան | Տնտեսութիւն
ԵՐԵՎԱՆ, 26 ՕԳՈՍՏՈՍԻ, ՆՈՅԵԱՆ ՏԱՊԱՆ: 2008թ.-ի 2-րդ եռամսյակի
ընթացքում ՀՀ Կենտրոնական բանկի վճարային համակարգերով կատարուված
վճարումների գերակշիռ մասը իրականացուել է էլեկտրոնային վճարումների
համակարգի միջոցով: Համակարգի մասնակիցների էլեկտրոնային
վճարումները (առանց բորսայական գործառնութիւններ իրականացնելու
հետ կապուած փոխանցումների) միջին հաշւով կազմել են ընդհանուր
վճարումների ծաւալի 54,46%-ը եւ քանակի 96,42%-ը: Նախորդ տարուայ
նոյն ժամանակահատուածի համեմատութեամբ էլեկտրոնային վճարումների
ծաւալն աւելացել է 29,6%-ով (234 մլրդ դրամով), իսկ քանակը`
57,5%-ով կամ 178152-ով: Բացի այդ, բորսայական գործառնութիւնների
իրականացման հետ կապուած փոխանցումները կազմել են 2 տրլն 887 մլրդ
դրամ, կամ 6,7 անգամ աւելի:
Ըստ ՀՀ ԿԲ հասարակայնութեան հետ կապերի ծառայութեան,
առեւտրային բանկերի կողմից էլեկտրոնային վճարումների համակարգով
(առանց բորսայական գործառնութիւններ իրականացնելու հետ կապուած
փոխանցումների) կատարուված վճարումները կազմել են վերջիններիս
վճարումների ծաւալի մօտ 70%-ը (աւելացել է 158 մլրդ դրամով), իսկ
քանակային կառուցուածքում` մօտ 99%-ը:
Էլեկտրոնային վճարումների համակարգով իրականացուած դրամական
փոխանցումների միջին օրական քանակը 2008թ.-ի 1-ին եռամսյակի
համեմատ աճել է 1 535-ով` կազմելով 7 625, իսկ ծաւալը գրեթէ
պահպանել է նոյն մակարդակը` կազմելով 16 մլրդ դրամ: Բորսայական
գործառնութիւնների իրականացման նպատակով 2008թ.-ի 2-րդ
եռամսյակում կատարուված փոխանցումների միջին օրական ծաւալը կազմել է
մօտ 45 մլրդ դրամ, ինչը աւելացել է 7 մլրդ դրամով: Էլեկտրոնային
վճարումների համակարգում մէկ էլեկտրոնային փոխանցման միջին ծաւալը,
առանց բորսայական գործառնութիւնների իրականացման հետ կապուած
փոխանցումների, նախորդ տարուայ 2-րդ եռամսյակի համեմատ նուազել է մօտ
0,5 մլն դրամով եւ կազմել է 2 մլն դրամ: Էլեկտրոնային վճարումների
համակարգով առեւտրային բանկերի կողմից բորսայական
գործառնութիւնների իրականացման հետ կապուած փոխանցումների միջին
ծաւալը կազմել է 892 մլն դրամ: