2008 Թ.-Ի ԵՐԿՐՈՐԴ ԵՌԱՄՍՅԱԿՈՒՄ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ՀԱՅԱՍՏԱՆՈՒՄ ՊԼԱՍՏԻԿ ՔԱՐՏԵՐՈՎ
ԳՈՐԾԱՌՆՈՒԹԻՒՆՆԵՐԻ ԾԱՒԱԼԸ 1,6 ԱՆԳԱՄ ԱՃԵԼ Է
26-08-2008 20:00:00 | Հայաստան | Տնտեսութիւն
ԵՐԵՎԱՆ, 26 ՕԳՈՍՏՈՍԻ, ՆՈՅԵԱՆ ՏԱՊԱՆ: 2008թ.-ի 2-րդ եռամսյակի
վերջի դրութեամբ յաճախորդներին պլաստիկ քարտեր են տրամադրել կամ
սպասարկել ՀՀ տարածքում գործող 20 առեւտրային բանկեր: Ընդ որում,
19 առեւտրային բանկեր անդամակցում են «արքայ» քարտերով վճարումների
միասնական համակարգին:
Ըստ ՀՀ ԿԲ-ի հասարակայնութեան հետ կապերի ծառայութեան,
2008թ.-ի 2-րդ եռամսյակի ընթացքում ՀՀ տարածքում պլաստիկ քարտերով
իրականացուել է 73 մլրդ 641 մլն դրամի 1 541 602 գործառնութիւն:
Այդ թւում, քարտերով անկանխիկ վճարումների ծաւալը կազմել է մօտ 5
մլրդ 846 մլն դրամ: Նշուած անկանխիկ գործառնութիւնների ծաւալում
ինտերնետ միջավայրում իրականացուած գործառնութիւնների ծաւալը
կազմել է 509 մլն դրամ (այդ թւում, էլեկտրոնային առեւտուր` 243 մլն
դրամ, քարտից-քարտ փոխանցումներ` 266 մլն դրամ):
Եռամսյակի վերջի դրութեամբ շրջանառութեան մէջ գտնուող քարտերի
ընդհանուր քանակը կազմել է 394 251, ինչը 2008թ.-ի 1-ին եռամսյակի
վերջի համեմատ աւելացել է 1,15 անգամ (51 480 քարտով): Հաշուետու
եռամսյակի ընթացքում քարտերով իրականացուած անկանխիկ վճարումների
ծաւալը կազմել է քարտային գործառնութիւնների մօտ 7,9%-ը:
Ընդհանուր առմամբ, քարտերով անկանխիկ գործառնութիւնների ծաւալը
նախորդ եռամսյակի համեմատ աճել է 29,7%-ով
2008թ.-ի 2-րդ եռամսյակի վերջի դրութեամբ գործող «արքայ»
քարտերի քանակը 1-ին եռամսյակի վերջի համեմատ աւելացել է 1,18
անգամ (27 505 քարտով) եւ կազմել 183 745:
Միջազգային քարտային համակարգերի քարտերի քանակն աւելացել է
1,13 անգամ (23 975 քարտով), այդ թւում, VISA միջազգային քարտային
համակարգի քարտերն աւելացել են 1,11 անգամ (14 099 քարտով) եւ
կազմել 147 142, իսկ MasterCard միջազգային քարտային համակարգի
քարտերինը` 1,2 անգամ (5 222 քարտով) եւ կազմել 31 901: Մնացած
մասը բաժին է ընկնում միջազգային այլ քարտերի:
Քարտերով իրականացուած գործառնութիւնների ծաւալը 2007թ.-ի
2-րդ եռամսյակի համեմատ աւելացել է 1,6 անգամ (26 մլրդ 780 մլն
դրամով), իսկ քանակը` 1,5 անգամ (493 244):
Շրջանառութեան մէջ գտնուող «արքայ» քարտերով իրականացուել է 685
842 գործառնութիւն` 25 մլրդ 366 մլն դրամ ծաւալով: «արքայ»
քարտերով կատարուված գործառնութիւնների ծաւալը 2007թ.-ի 2-րդ
եռամսյակի համեմատ աւելացել է մօտ 1,6 անգամ (9 մլրդ 424 մլն
դրամով), իսկ քանակը` 1,4 անգամ (184 918-ով):
VISA միջազգային քարտային համակարգի քարտերով իրականացուած
գործառնութիւնների ծաւալը կազմել է 30 մլրդ 788 մլն դրամ (508 834
գործառնութիւն), իսկ MasterCard միջազգային քարտային համակարգի
քարտերով իրականացուել է 7 մլրդ 394 մլն դրամ ծաւալով 123 074
գործառնութիւն: VISA համակարգի քարտերով իրականացուած
գործառնութիւնների ծաւալը նախորդ տարուայ 2-րդ եռամսյակի համեմատ
աւելացել է 1,5 անգամ (10 մլրդ 993 մլն դրամով), իսկ MasterCard
համակարգի քարտերով կատարուված գործառնութիւնների ծաւալը աւելացել է
1,6 անգամ (2 մլրդ 751 մլն դրամ ծաւալով):
Միջազգային այլ քարտերով իրականացուել է 223 752
գործառնութիւն` 10 մլրդ 94 մլն դրամ ծաւալով, ինչը 2007թ.-ի 2-րդ
եռամսյակի համեմատ աւելի է 3 մլրդ 612 մլն դրամով:
Մէկ «արքայ» քարտով իրականացուած ամսական միջին
գործառնութիւնների ծաւալը նախորդ եռամսյակի համեմատ պահպանել է
նոյն մակարդակը` 37 հազ. դրամ (քանակը կազմել է 1,2):