ՏՐԻՊՈԼԻ, 24 ՅՈՒԼԻՍԻ, ՆՈՅԵԱՆ ՏԱՊԱՆ: Լիբիան որոշում է
ընդունել դադարեցնել նաւթի առաքումը Շուեյցարիա` ի նշան բողոքի
լիբիական առաջնորդ Մուամար Քադդաֆիի որդու ձերբակալութեան դէմ: Այս
մասին հաղորդում է «Ֆրանսպրես» գործակալութիւնը` վկայակոչելով
ծովային փոխադրումների լիբիական ազգային ընկերութեան
յայտարարութիւնը:
Դիւանագիտական սկանդալը երկու երկրների միջեւ բռնկել է այն
բանից յետոյ, երբ անցած շաբաթ Ժնեւում ձերբակալուեցին Աննիբալ
(Հաննիբալ) Քադդաֆին եւ նրա կինը: Երկուսն էլ մեղադրւում են իրենց
իջեւանած հիւրանոցի ծառայի նկատմամբ դաժան վերաբերմունքի մէջ: