ԼԱՏՎԻԱՅԻ ԻՇԽԱՆՈՒԹԻՒՆՆԵՐԸ ՌՈՒՍ ՆԱԽԿԻՆ ՊԱՐՏԻԶԱՆԻՆ 30 ՀԱԶԱՐ
ԵՒՐՕ ՓՈԽՀԱՏՈՒՑՈՒՄ ԿՎՃԱՐԵՆ
24-07-2008 17:55:00 | | Միջազգային
ՍՏՐԱՍԲՈՒՐԳ, 24 ՅՈՒԼԻՍԻ, ՆՈՅԵԱՆ ՏԱՊԱՆ: Մարդու իրաւունքների
եւրոպական դատարանը հինգշաբթի նախկին պարտիզան Վասիլի Կոնոնովի
գործով վճիռ է կայացրել: Դատարանը որոշել է բաւարարել վետերանի
հայցադիմումը, ինչպէս նաեւ լատվիական իշխանութիւններին
պարտավորեցրել Կոնոնովին 30 հազար եւրոյի փոխհատուցում վճարել:
85-ամեայ վետերանը Լատվիայի ղեկավարութեանը մեղադրում էր իր
նկատմամբ անօրինական դատավճիռ արձակելու մէջ: Լատվիայում Կոնոնովին
դատել են երկու անգամ: 1998 թուականին յիշել են աւելի քան կէս դար
վաղեմութեան պատմութիւն, երբ պատերազմի վերջին Կոնոնովը ղեկավարել
է ռազմական մի գործողութիւն, որի ընթացքում ոչնչացուել են մի քանի
«պոլիցայներ»: Վետերանի նկատմամբ վճիռ է կայացուել: Սակայն, քանի որ
քննութեան ժամանակ նա արդէն նստել էր դատարանի սահմանած ժամկէտը,
Վասիլի Կոնոնովին ազատ են արձակել:
Սակայն որոշ ժամանակ անց թոշակառուի նկատմամբ հետապնդումները
վերսկսուել են: Նորից դատ է եղել, եւ դատավճիռ` վեց տարուայ
բանտարկութիւն: Եվ նորից նախկին պարտիզանին ազատ են թողել` այս
անգամ առողջական վիճակի պատճառով: Դրանից յետոյ վետերանը, որն
ընդունել է Ռուսաստանի քաղաքացիություն, հայց էր ներկայացրել
Եւրոպական դատարան: