2008 Թ.-Ի ԱՌԱՋԻՆ ԿԻՍԱՄԵԱԿՈՒՄ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ՀԱՅԱՍՏԱՆՈՒՄ ՀՆԱ-Ն 10,3%-ՈՎ ԱՃԵԼ Է
21-07-2008 20:04:00 | Հայաստան | Տնտեսութիւն
ԵՐԵՎԱՆ, 21 ՅՈՒԼԻՍԻ, ՆՈՅԵԱՆ ՏԱՊԱՆ: 2008թ.-ի առաջին
կիսամեակում նախորդ տարուայ նոյն ժամանակահատուածի համեմատ
Հայաստանում ՀՆԱ-ն աճել է 10,3%-ով եւ կազմել 1 տրլն 322 732,6
մլրդ մլն դրամ (աւելի քան 4,3 մլրդ ԱՄՆ դոլար): ՀՆԱ-ի
ինդեքս-դեֆլեատորը կազմել է 108%:
ՀՀ Ազգային վիճակագրական ծառայութեան տուեալներով, այս տարուայ
յունուար-յունիսին, նախորդ տարուայ նոյն ամիսների համեմատ,
հանրապետութիւնում արդիւնաբերական արտադրանքի ծաւալը նուազել է
0,2%-ով եւ կազմել 356 մլրդ 959,2 մլն դրամ:
Գիւղատնտեսութեան համախառն արտադրանքն աճել է 8,1%-ով եւ
կազմել 133 մլրդ 401,4 մլն դրամ, շինարարութեան ծաւալը` 14%-ով եւ
կազմել 231 մլրդ 639,4 մլն դրամ, մանրածախ առեւտրաշրջանառությունը`
5%-ով եւ կազմել 412 մլրդ 893,4 մլն դրամ, իսկ ծառայութիւնների
ծաւալը աճել է 16,2%-ով եւ կազմել 324 մլրդ 49,7 մլն դրամ:
ՀՀ արտաքին առեւտրաշրջանառութեան ծաւալը նախորդ տարուայ
յունուար-յունիսի համեմատ աճել է 28,9%-ով եւ կազմել 2 մլրդ 428,6
մլն դոլար: Ընդ որում, արտահանումը նուազել է 0,8%-ով եւ կազմել
520,7 մլն դոլար, իսկ ներմուծումն աճել է 40,3%-ով եւ կազմել 1
մլրդ 907,9 մլն դոլար:
2008թ.-ի յունուար-յունիսին սպառողական գները 2007թ.-ի
յունուար-յունիսի համեմատ աճել են 9%-ով, իսկ արդիւնաբերական
արտադրանքի գները` 5,2%-ով:
Այս տարուայ յունիսի վերջին նախորդ տարուայ նոյն ժամկէտի համեմատ
պաշտօնապէս գրանցուած գործազուրկների թուաքանակը 0,9%-ով նուազել է եւ
կազմել 76 300 մարդ:
Այս տարուայ առաջին վեց ամիսներին միջին ամսական անուանական
աշխատավարձը կազմել է 86 615 դրամ (նախորդ տարուայ նոյն
ժամանակահատուածի համեմատ աճել է 20,7%-ով), այդ թւում` բիւջէտային
աշխատողներինը` 61 862 դրամ (աճել է 17,6%-ով), ոչ բիւջէտային
հիմնարկների աշխատողներինը` 106 754 դրամ (աճել է 19,6%-ով): Այս
տարուայ յունուար-յունիսին 1 ԱՄՆ-ի դոլարի միջին փոխարժեքը կազմել է
307,58 դրամ (2007թ.-ին այդ ցուցանիշը կազմել է 342,08 դրամ):