«ՀԱՅՌՈՒՍԳԱԶԱՐԴ»-Ը ԻՐԱԿԱՆԱՑՐԵԼ Է ԲԱԺՆԵՏՈՄՍԵՐԻ ԵՐԿՐՈՐԴ
ԹՈՂԱՐԿՈՒՄԸ
15-07-2008 20:10:00 | Հայաստան | Տնտեսութիւն
ԵՐԵՎԱՆ, 15 ՅՈՒԼԻՍԻ, ՆՈՅԵԱՆ ՏԱՊԱՆ: «հայռուսգազարդ»-ը
իրականացրել է ընկերութեան պարտատոմսերի երկրորդ թողարկումը.
թողարկվել է 1 մլրդ դրամ ընդհանուր ծաւալով 20 հազար պարտատոմս,
մէկ պարտատոմսի անուանական արժէքն է 50 հազար դրամ, շրջանառութեան
ժամկէտը` 3 տարի, տարեկան շահութաբերութիւնը` 9,5%:
Ինչպէս յուլիսի 15-ին յայտնեց ընկերութեան ֆինանսական
փոխտնօրեն Վահագն Առաքելեանը, պարտատոմսերը տեղաբաշխվելու են
անուանական արժէքից ցածր գնով, ինչի արդիւնքում պարտատոմսերի
տարեկան եկամտաբերությունը կկազմի 10%: Պարտատոմսերի տեղաբաշխումն
իրականացնում է «Արմսվիսբանկը»` տեղաբաշխողների խումբ կազմելով
«Արմենբրոք» ընկերութեան եւ «Արցախբանկի»-ի հետ:
Ըստ Վ.Առաքելեանի, «հայռուսգազարդ»-ի բաժնետոմսերի առաջին
թողարկումը կատարուել է 2007թ.-ի յուլիսին, ընդհանուր ծաւալը կազմել
է 1 մլրդ դրամ, արժեթղթերի եկամտաբերությունը` տարեկան 9%,
թողարկման ժամկէտը` 18 ամիս: Ներգրաւուած միջոցները ուղղուել են
ներդրումային ծրագրերին: Արդիւնքում բաժանորդների թիւն աւելացել է
34 հազարով եւ 2007թ.-ին կազմել 76 հազար: Ենթադրւում է, որ
2008-2009թթ.-ի ընթացքում ընկերութիւնը կունենայ եւս 70 հազար նոր
բաժանորդ: Վ.Առաքելեանը նշեց, որ ընկերութիւնը մտադիր է 4 մլրդ
դրամի բաժնետոմսեր թողարկել Ռուսաստանի Դաշնութիւնում:
Ըստ «հայռուսգազարդ»-ի գլխաւոր տնօրէն Կարեն Կարապետեանի,
ընկերութեան կանոնադրական կապիտալը, որն այսօր կազմում է շուրջ 900
մլն ԱՄՆ դոլար (մօտ 270 մլրդ դրամ) մինչեւ տարեվերջ կկազմի 1 մլրդ
150 մլն դոլար: Եթէ մինչ օրս համակարգում ներդրուել է մօտ 110 մլն
դոլար, ապա մօտակայ 2 տարուայ ընթացքում ներդրումների ծաւալը կկազմի
աւելի քան 700 մլն դոլար: Այդ գումարները կուղղուեն Հայաստան-Իրան
գազատարի շինարարութեան շարունակմանը, Հրազդանի ՊՇԷԿ-ի 5-րդ բլոկի
վերակառուցմանը, ստորգետնեայ գազապահեստարանի հզորութիւնների
մեծացմանը, անվտանգութեան ապահովման նպատակով իւրաքանչիւր
բաժանորդի համար աւտոմատ համակարգերի տեղադրմանը եւ այլն:
Ներդրումների հիմնական մասն ուղղուած կլինի երկրի էներգետիկ
անվտանգութեան մակարդակի եւ բաժանորդների գազամատակարարման որակի
բարձրացմանը: