ԿԱՍԵՑՈՒԵԼ ԵՆ ԴԱՀԿ-Ի ԱՇԽԱՏԱԿԻՑՆԵՐԻ ԱՆՕՐԻՆԱԿԱՆ
ԳՈՐԾՈՂՈՒԹԻՒՆՆԵՐԸ
10-07-2008 18:16:00 | Հայաստան | Մարդու իրաւունքներ
ԵՐԵՎԱՆ, 10 ՅՈՒԼԻՍԻ, ՆՈՅԵԱՆ ՏԱՊԱՆ: ՀՀ քաղաքացիական վերաքննիչ
դատարանի 2007թ.-ի դեկտեմբերի 18-ի վճռի համաձայն Երեւանի բնակիչ
Վ.Մ.- պէտք է վտարվեր Ս.Հ.-ի սեփականութիւնը հանդիսացող բնակարանի
1/2 մասից: Սակայն, ինչպէս նշուած է ՀՀ Մարդու իրաւունքների պաշտպան
Արմէն Յարութիւնյանին ուղղուած Վ.Մ.-ի դիմումում, այդ հասցեում
գոյութիւն ունի նաեւ իր կողմից ինքնակամ կառուցոուած կից կառոյց,
որը նույնպես ԴԱՀԿ-ի կենտրոնական մարմնի հարկադիր կատարման
օպերատիւ բաժնի աշխատակիցները պահանջում են ազատել: Բայց, ըստ
դիմումատուի, դատարանի վճռով նման բան նախատեսուած չէ:
Պաշտպանի աշխատակազմի համապատասխան բաժնի աշխատակիցները
մայիսի 15-ին այցելել են նշուած հասցե եւ պարզաբանել, որ ԴԱՀԿ-ն
պէտք է ապահովի միայն կատարողական թերթի պահանջի կատարումը, իսկ
ինքնակամ կառույցից Վ.Մ.-ի վտարումը չի բխում կատարողական թերթի
պահանջից եւ դատարանի վճռով նախատեսուած չէ:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ Մարդու իրաւունքների
պաշտպանի աշխատակազմի տեղեկատուութեան եւ հասարակայնութեան հետ
կապերի բաժնից, ԴԱՀԿ-ի կենտրոնական մարմնի հարկադիր կատարման
օպերատիւ բաժնի աշխատակիցները կողմերին առաջարկել են քննարկել
հաշտութեան գալու տարբերակներ, սակայն ընդհանուր հայտարարի չգալուց
յետոյ պարտապան Վ.Մ.-ն կատարել է կատարողական թերթի պահանջը: