ԲԱՆԿԱՅԻՆ ՀԱՄԱԿԱՐԳԻ ԿՈՂՄԻՑ ԼՂՀ-ՈՒՄ ԻՐԱԿԱՆԱՑՈՒԵԼ ԵՆ ՇՈՒՐՋ 45,9
ՄԼՆ ԱՄՆ ԴՈԼԱՐԻ ՆԵՐԴՐՈՒՄՆԵՐ
07-07-2008 20:26:00 | Հայաստան | Տնտեսութիւն
ՍՏԵՓԱՆԱԿԵՐՏ, 7 ՅՈՒԼԻՍԻ, ՆՈՅԵԱՆ ՏԱՊԱՆ: ԼՂՀ տնտեսութեան
զարգացման ծրագրերին առեւտրային բանկերի մասնակցութեան հարցերն են
քննարկուել ԼՂՀ նախագահ Բակո Սահակեանի եւ վարչապետ Արայիկ
Յարութիւնեանի հետ ՀՀ ԿԲ-ի նախագահ Արթուր Ջաւադեանի եւ
առեւտրային բանկերի ղեկավարների յուլիսի 5-ի հանդիպման ժամանակ:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ ԿԲ-ի հասարակայնութեան հետ
կապերի ծառայութիւնից, հանդիպման ժամանակ ներկայացուել են
Հայաստանի բանկերի միութեան խորհրդի նոյն օրն Ստեփանակերտում
անցկացուած արտագնայ նիստի արդիւնքները:
Նիստի ժամանակ առեւտրային բանկերի ղեկավարները քննարկել են
ԼՂՀ-ում ներդրումների ծաւալներն աւելացնելու ուղղութեամբ տարբեր
գործիքների եւ մեխանիզմների կիրառման, ինչպէս նաեւ ԼՂՀ բանկային
համակարգի աշխատակիցների վերապատրաստման հարցերը: Նշուվել է, որ
բանկային համակարգի կողմից ԼՂՀ-ում իրականացուել են 14 մլրդ դրամի
(մօտ 45,9 մլն ԱՄՆ դոլար) վարկային ներդրումներ: