«ՀԱՅՋՐՄՈՒՂ»-Ի ԿՈՂՄԻՑ ԻՐԱԿԱՆԱՑYՈՂ ԱՌԱՋԻՆ ՎԱՐԿԱՅԻՆ ԾՐԱԳԻՐԸ
ԱՄԲՈՂՋՈՒԹԵԱՄԲ ԿԱՒԱՐՏՈՒԻ ԱՅՍ ՏԱՐԵՎԵՐՋԻՆ
04-07-2008 17:26:00 | Հայաստան | Տնտեսութիւն
ԵՐԵՎԱՆ, 4 ՅՈՒԼԻՍԻ, ՆՈՅԵԱՆ ՏԱՊԱՆ: «հայջրմուղ» ընկերութեան
կողմից իրականացyող 25 մլն ԱՄՆ դոլար արժողութեամբ առաջին վարկային
ծրագիրը ամբողջութեամբ կաւարտուի այս տարեվերջին: Ինչպէս յուլիսի
4-ի ասուլիսում յայտնեց ՀՀ Ջրտնտպետկոմիտեի նախագահ Անդրանիկ
Անդրէասեանը, չի բացառւում, որ առաջիկայ ամիսներին ընկերութիւնը
բանակցութիւններ կսկսի Համաշխարհային բանկի հետ: Միաժամանակ
նշուեց, որ «հայջրմուղ»-ը Ասիական Բանկի հետ արդէն սկսել է
իրականացնել նոր վարկային ծրագիր:
Ա.Անդրէասեանի խօսքերով, ներկայումս Արտաշատ քաղաքում եւ
շրջակայ 27 գիւղերում ԱՄՆ-ի Զարգացման գործակալութեան հետ համատեղ
ընկերութիւնն իրականացնում է ներդրումային ծրագիր: «Եվրոբանկի»
հետ համագործակցութեան շնորհիւ 12 մլն եւրոյով Վարդենիսում,
Մարտունիում եւ Գաւառում «հայջրմուղ»-ը կկառուցի մաքրման կայաններ:
Իսկ Ճապոնիայի կառավարութեան հետ համագործակցելով Արագածոտնի եւ
Գեղարքունիքի մարզերի մէկական գիւղում կսկսի ներքին ջրային ցանցի
շինարարական փորձնական ծրագիրը:
Անդադառնալով ոռոգման խնդիրներին, Ա.Անդրեասայանը յայտնեց, որ
այդ աշխատանքների համար ՀՀ կառավարութիւնը պետբիւջէից յատկացրել
է 1,4 մլրդ դրամ (մօտ 4,6 ԱՄՆ դոլար), իսկ միջնաժամկէտ ծրագրերով
առաջիկայ տարիներին այդ թիւը կհասնի 1,5 մլրդ դրամի: Բացի դրանից,
կառավարութիւնը ոռոգման աշխատանքների իրականացման համար
Համաշխարհային բանկի հետ փորձում է նոր վարկային ծրագրեր
ձեւաւորել:
Ա.Անդրէասեանը նշեց, որ Սեւանայ լճից ոռոգման նպատակներով
տարեսկզբից բաց է թողնվել 117 մլն խմ ջուր, իսկ մինչեւ տարեվերջ
նախատեսւում է եւս 123 խմ: Նրա խօսքերով, դրանով լճի մակարդակի
անկում չի գրանցուի, քանի որ տարեսկզբի նկատմամբ լճի մակարդակը
աւելացել է 48 սմ-ով, մինչդեռ անցած տարուայ նոյն
ժամանակահատուածում` 24 սմ-ով:
Ջրտնտպետկոմիտեի նախագահը տեղեկացրեց, որ առաջիկայում
կհրապարակուի ջրօգտագործող այն խոշոր ընկերութիւնների ցանկը, որոնք
մինչ օրս սպառած ջրի դիմաց վճարումներ չեն կատարել, եւ նրանց
պարտքերի չափը: Ա.Անդրէասեանը նշեց, որ, բացի այդ, նրանց նկատմամբ
կկիրառուեն վարչական տույժեր: