ՓԱՐԻԶ, 3 ՅՈՒԼԻՍԻ, ՆՈՅԵԱՆ ՏԱՊԱՆ: Հինգշաբթի Փարիզի
կլինիկաներից մէկում վախճանուել է Զամբիայի նախագահ Լեւի
Մվանավասան: Այս մասին հաղորդում է «Նովոստի» գործակալութիւնը`
վկայակոչելով հարավաֆրիկեան Talk Radio 702 ռադիոկայանի
հաղորդումը:
59-ամեայ Մվանավասայի մահը վրայ է հասել հինգշաբթի վաղ
առաւօտեան: Զամբիայի առաջնորդի մահուան պատճառների մասին առայժմ
ոչինչ չի հաղորդւում:
Անցած կիրակի Մվանավասան հիպերտոնիկ նոպայից յետոյ շտապ
տեղափոխուել էր հիւանդանոց եգիպտական Շարմ աշ-Շեյխ առողջարանային
քաղաքում, ուր նա ժամանել էր մասնակցելու աֆրիկեան պետութիւնների
11-րդ գագաթնաժողովին: Երեքշաբթի Զամբիայի նախագահը փոխադրուել էր
Փարիզ: