ՆՈՒԲԱՐԱՇԷՆԻ ՀՈԳԵԲՈՒԺԱՐԱՆՈՒՄ ԳՏՆՈՒՈՂ ՔԱՂԱՔԱՑԻՆ ՅԱՅՏԱՐԱՐԵԼ Է,
ՈՐ ԻՐ ՆԿԱՏՄԱՄԲ ԾԵԾ ԵՎ ԲՌՆՈՒԹԻՒՆ Է ԿԻՐԱՌՈՒԵԼ
01-07-2008 21:24:00 | Հայաստան | Մարդու իրաւունքներ
ԵՐԵՎԱՆ, 1 ՅՈՒԼԻՍԻ, ՆՈՅԵԱՆ ՏԱՊԱՆ: ՀՀ Մարդու իրաւունքների
պաշտպան Արմէն Յարութիւնյանին հասցէագրուած դիմումի քննութեան
ընթացքում պարզուել է, որ յունիսի 24-ից ՀՀ ԱՆ «Հոգեբուժական
բժկական կենտրոն»-ի Նուբարաշէն հոգեբուժական կլինիկայում գտնուող
Երեւան քաղաքի բնակիչ Հ.Բ.-ի հոգեկան վիճակի խանգարումը
պայմանաւորուած է եղել նրա նկատամամբ ծեծ եւ բռնութիւն կիրառելու
հետեւանքով:
Ինչպէս «ՆՈՅԵԱՆ ՏԱՊԱՆ»-ին յայտնում են ՀՀ Մարդու իրաւունքների
պաշտպանի աշխատակազմի Տեղեկատուութեան եւ հասարակայնութեան հետ
կապերի բաժնից, ղեկավարվելով «Մարդու իրաւունքների պաշտպանի մասին»
ՀՀ օրէնքի 12 յօդուածի պահանջներով, Ա.Յարութիւնեյանը Հ.Բ.-ի հարցի
կապակցութեամբ դիմել է ՀՀ առողջապահութեան նախարար Յարութիւն
Քուշկյանին: Պաշտպանը խնդրել է նախարարին հնարավորինս սեղմ
ժամկէտներում յայտնել, թէ ինչ հիւանդութեամբ է տառապում Հ.Բ.-ն,
եւ, հաշուի առնելով այն, որ քաղաքացին նախկինում որեւէ հոգեկան
հիւանդութեամբ չի տառապել եւ հոգեբուժական դիսպանսերում չի
հաշուառուել, պարզել` կարօ՞ղ էր արդեօք այդ հիվանդությունն առաջանալ
ծեծի եւ բռնութեան արդիւնքում: