2008 Թ. ՅՈՒՆԻՍԻՆ ՆԱԽՈՐԴ ՏԱՐՈՒԱՅ ԴԵԿՏԵՄԲԵՐԻ ՀԱՄԵՄԱՏ ԱՄՆ ԴՈԼԱՐԻ
ՆԿԱՏՄԱՄԲ ՀԱՅԿԱԿԱՆ ԴՐԱՄԻ ՓՈԽԱՐԺԵՔԸ 0,3%-ՈՎ ԱՃԵԼ Է
28-06-2008 21:12:00 | Հայաստան | Տնտեսութիւն
ԵՐԵՎԱՆ, 28 ՅՈՒՆԻՍԻ, ՆՈՅԵԱՆ ՏԱՊԱՆ: 2008թ. յունիսին 2007թ.
դեկտեմբերի համեմատ Հայաստանում սպառողական գների եւ ԱՄՆ դոլարի
նկատմամբ հայկական դրամի հաշուարկային փոխարժէքի հավելաճը կազմել է,
համապատասխանաբար, 6,8% եւ 0,3%: Նախորդ տարուայ նոյն
ժամանակահատուածում սպառողական գների 3,9% հավելաճին զուգընթաց
հանրապետութիւնում գրանցուել է հաշուարկային փոխարժէքի 5,4%
նուազում:
ՀՀ Ազգային վիճակագրական ծառայութեան տուեալներով, 2008թ.
յունիսին մայիսի համեմատ հանրապետութեան սպառողական շուկայում
արձանագրուած 0,5% գնանկումն ուղեկցուել է ԱՄՆ դոլարի նկատմամբ
հայկական դրամի հաշուարկային փոխարժէքի 0,7% նուազումով (ՀՀ դրամն
արժեվորվել է):
2008թ. յունիսին ԱՄՆ դոլարի նկատմամբ հայկական դրամի միջին
հաշուարկային փոխարժեքը կազմել է 305,13 դրամ, ինչը 11,5%-ով ցածր է
նախորդ տարուայ յունիսի համապատասխան ցուցանիշից (344,8 դրամ):