ԵՐԵՎԱՆ, 28 ՅՈՒՆԻՍԻ, ՆՈՅԵԱՆ ՏԱՊԱՆ: 2008թ. մայիսին ապրիլի համեմատ Հայաստանի ծառայութիւնների ոլորտում գրանցուած սակագների 0,1% հավելաճին մեծապէս նպաստել է կենցաղային, հանրային սննդի, բուժսպասարկման, մշակոյթի ոլորտի ծառայութիւնների սակագների 0,1-2,5% հավելաճը: ՀՀ Ազգային վիճակագրական ծառայութեան տուեալներով, տրանսպորտի ծառայութիւնների սակագները նշուած ժամանակահատուածում նուազել են 0,3%-ով, իսկ բնակարանային, կոմունալ, իրաւական ու բանկային, կապի, կրթական եւ հանգստի կազմակերպման ծառայութիւնների սակագները նախորդ ամսուայ համեմատ մնացել են անփոփոխ:

---