ԵՐԵՎԱՆ, 18 ՅՈՒՆԻՍԻ, ՆՈՅԵԱՆ ՏԱՊԱՆ: Այս տարի «Ոսկէ ծիրան»
կինոփառատօնի յոբելեանական ծրագրերից մէկն ամբողջապէս նուիրուելու է
Վիլեամ Սարոեանի ծննդեան 100-ամեակին: Հայ հանդիսատեսը այդ օրերին
առաջին անգամ հնարաւորութիւն կունենայ դիտել 1940-ականներին
Հոլիվուդում Սարոեանի ստեղծագործությունների հիման վրայ նկարահանուած
երեք կինոնկարները, ինչպէս նաեւ մեծ գրողի նկարահանած «Լաւ գործը»
կարճամետրաժ 10 րոպէանոց ֆիլմը:
Ինչպէս յունիսի 18-ին լրագրողների հետ հանդիպմանը նշեց
կինոգետ Արծուի Բախչինեանը, Վիլեամ Սարոեանը իր ստեղծագործական
կեանքը սկսել է Հոլիվուդի ոսկեդարի ժամանակաշրջանում: Ամերիկահայ
մեծանուն գրողը սերտ առնչութիւններ է ունեցել կինոարուեստի հոտ: Նա
հանդէս է եկել նաեւ որպէս կինոքննադատ եւ կինոբեմադրիչ: 1943
թուականին Սարոեանը «Մարդկային կատագերգություն» ֆիլմի լաւագոյն
սցենարի համար արժանացել է ամերիկեան կինոակադեմիայի «Օսկար»
մրցանակին: Սարոեանի գործերի հիման վրայ ստեղծուել են 15-ից աւելի
անիմացիոն եւ խաղարկային ֆիլմեր, իսկ հեռուստաֆիլմերն ու
ներկայացումները հասնում են մի քանի տասնեակի:
Փառատոնի օրերին Հայաստան կժամանի նաեւ Հարաւային
Կալիֆոռնիայի համալսարանի պրոֆեսոր, սարոյանագետ Տիգրան
Գույումջեանը, ով հանդէս կգայ «Սարոեանը եւ կինեմատոգրաֆիան»
թեմայով դասախոսութեամբ: Այդ օրերին տեղի կունենայ նաեւ Արծուի
Բախչինեանի կազմած «Չորս տեսիլք. Սարոեանը եւ Հոլիվուդի
դերասանուհիները» գրքոյկի շնորհանդէսը: