ԱՄՆ-Ը ՉԻ ԾՐԱԳՐՈՒՄ ՄՇՏԱԿԱՆ ՌԱԶՄԱԲԱԶԱՆԵՐ ՏԵՂԱԿԱՅԵԼ ԻՐԱՔՈՒՄ
11-06-2008 18:25:00 | | Միջազգային
ԲԵՌԼԻՆ, 11 ՅՈՒՆԻՍԻ, ՆՈՅԵԱՆ ՏԱՊԱՆ: ԱՄՆ-ը չի ծրագրում մշտական
ռազմաբազաներ տեղակայել Իրաքում: Այս մասին, ինչպէս հաղորդում է
ԻՏԱՌ-ՏԱՍՍ-ը, յայտարարել է ԱՄՆ-ի նախագահ Ջորջ Բուշը ԳԴՀ կանցլեր
Անգելա Մերկելի հետ բանակցութիւնների արդիւնքներին նուիրուած մամլոյ
ասուլիսում:
«Կարծում եմ, ամէն բան կաւարտուի Իրաքի հետ ռազմավարական
գործընկերութեան մասին համաձայնագրի ստորագրմամբ»,- ասել է Բուշը`
ընդգծելով, որ տուեալ պահին ամերիկեան զորակազմը մերձաւորարեւելեան
այդ երկրում գտնւում է «ինքնիշխան իրաքեան կառավարութեան
հրաւէրով»: ԱՄՆ-ի նախագահը հերքել է իբր ծրագրւող մշտական բազաների
շինարարութեան մասին մամուլի կողմից տարածւող տեղեկությունները: