2008Թ.-Ի ԱՌԱՋԻՆ ԵՌԱՄՍՅԱԿՈՒՄ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ԼԻՑԵՆԶԱՎՈՐՎԱԾ ԻՐԱՒԱԲԱՆԱԿԱՆ ԱՆՁԱՆՑ
ՄԻՋՈՑՈՎ ՀԱՅԱՍՏԱՆԻ ՖԻԶԻԶԿԱԿԱՆ ԱՆՁԱՆՑ ՈՒՂՂՈՒԱԾ ՓՈԽԱՆՑՈՒՄՆԵՐԻ ԾԱՒԱԼԸ
18%-ՈՎ ԱՃԵԼ Է
2008Թ.-Ի ԱՌԱՋԻՆ ԵՌԱՄՍՅԱԿՈՒՄ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ԼԻՑԵՆԶԱՎՈՐՎԱԾ ԻՐԱՒԱԲԱՆԱԿԱՆ ԱՆՁԱՆՑ
ՄԻՋՈՑՈՎ ՀԱՅԱՍՏԱՆԻ ՖԻԶԻԶԿԱԿԱՆ ԱՆՁԱՆՑ ՈՒՂՂՈՒԱԾ ՓՈԽԱՆՑՈՒՄՆԵՐԻ ԾԱՒԱԼԸ
18%-ՈՎ ԱՃԵԼ Է
19-05-2008 20:22:00 | Հայաստան | Տնտեսութիւն
ԵՐԵՎԱՆ, 19 ՄԱՅԻՍԻ, ՆՈՅԵԱՆ ՏԱՊԱՆ: Հայաստանում ֆիզիկական
անձանց` առանց բանկային հաշուի բացման, փոխանցումներն իրականացւում
ենն ՀՀ տարածքում գործող առեւտրային բանկերի եւ ՀՀ Կենտրոնական
բանկի կողմից լիցենզավորված դրամական փոխանցում իրականացնող
կազմակերպութիւնների միջոցով: ՀՀ տարածքում գործող առեւտրային
բանկերը յաճախորդների դրամական փոխանցումները արագ իրականացնելու
նպատակով անդամակցում ենն ընդհանուր առմամբ 18 միջազգային
համակարգերի (WESTERN UNION, MONEY GRAM, ANELIK, UNISTREAM,
CONTACT եւ այլ համակարգերի):
ՀՀ Կենտրոնական բանկի մամուլի ծառայութեան տուեալներով,
2008թ.-ի առաջին եռամսյակում այս համակարգերին մասնակից բանկերի
միջոցով Հայաստան փոխանցումների ծաւալը կազմել է 70 մլրդ 659 մլն
ՀՀ դրամ կամ մօտ 229,4 մլն ԱՄՆ դոլար (քանակը` 309 218), որը 8,5
անգամ գերազանցել է արտասահման կատարուված փոխանցումների ծաւալը.
արդիւնքում, դրամական միջոցների զուտ ներհոսքը առեւտրային բանկերի
միջոցով կազմել է 62 մլրդ 353 մլն դրամ: Հայաստան փոխանցումների
զուտ ներհոսքը 2007թ.-ի առաջին եռամսյակի համեմատ աւելացել է 1,2
անգամ (9 մլրդ 166 մլն դրամով): Այս համակարգերով ՀՀ կատարուված մէկ
փոխանցման միջին ծաւալը կազմել է 229 հազ. դրամ. եւ 2007թ.-ի
առաջին եռամսյակի համեմատ աւելացել 11 հազ. դրամով:
Այս տարուայ առաջին եռամսյակում միջազգային վճարային
համակարգերի անդամակցող եւ դրամական փոխանցում իրականացնող
կազմակերպութիւնները ՀՀ իրենց յաճախորդներին կատարել են 3,6 մլրդ
դրամի վճարում, այդ թւում` 0,6 մլրդ դրամի վճարումը կատարուել է
միջազգային դրամական փոխանցումների իրականացման համակարգերին
անդամակցելու միջոցով, իսկ արտասահման կատարուել է 0,07 մլրդ դրամի
փոխանցում: Ընդ որում, դրամական փոխանցումների իրականացման
համակարգերով յաճախորդներին կատարուված մէկ վճարման միջին ծաւալը
կազմում է 88 հազ. դրամ, որը նախորդ տարուայ համեմատ գրեթէ պահպանել
է նոյն մակարդակը:
2008թ.-ի առաջին երեք ամիսներին SWIFT համակարգի միջոցով
իրականացուած փոխանցումներում ֆիզիկական անձանց ուղղուած վճարումները
կազմել են մօտ 42 մլրդ դրամ, որը նախորդ տարուայ նոյն
ժամանակահատուածի համեմատ աւելացել է 6 մլրդ դրամով. մէկ վճարման
ծաւալն աւելացել է 637 հազ. դրամով եւ կազմել 2,38 մլն դրամ:
Ընդհանուր առմամբ, առեւտրային բանկերի եւ դրամական փոխանցում
իրականացնող կազմակերպութիւնների միջոցով Հայաստան ֆիզիկական
անձանց ուղղուած դրամական փոխանցումները 2007թ.-ի առաջին եռամսյակի
համեմատ աւելացել են 18%-ով եւ կազմել 116 մլրդ դրամ, իսկ
արտասահման կատարուված փոխանցումների ծաւալը` 14%-ով, եւ կազմել 76
մլրդ դրամ: