ՀՀ ՏՆՏՄՐՑԱԿՑՈՒԹՅԱՆ ՅԱՆՁՆԱԺՈՂՈՎԸ «ԱՐՄԷՆՏԵԼ»-ԻՆ ԵՎ
ՊՐՈՎԱՅԴԵՐՆԵՐԻՆ ԱՌԱՋԱՐԿՈՒՄ Է ԿՆՔԵԼ ՀԱՇՏՈՒԹԵԱՆ ՅՈՒՇԱԳԻՐ
16-05-2008 20:30:00 | Հայաստան | Տնտեսութիւն
ԵՐԵՎԱՆ, 16 ՄԱՅԻՍԻ, ՆՈՅԵԱՆ ՏԱՊԱՆ: ՀՀ տնտեսական մրցակցութեան
պաշտպանութեան պետական յանձնաժողով (ՍՄՊՊՀ) «արմէնտել»-ի դէմ
պրովայդերների բողոքների հիման վրայ յարուցուած վարոյթի
շրջանակներում մայիսի 16-ին անցկացուել է
քննարկում-խորհրդակցութիւն` ՏՄՊՊՀ-ի, Հարնային ծառայութիւնները
կարգաւորող յանձնաժողովի, պրովայդերների եւ «արմէնտել»-ի
ներկայացուցիչների մասնակցութեամբ: Ինչպէս «ՆՈՅԵԱՆ ՏԱՊԱՆ»-ին
յայտնեց ՏՄՊՊՀ-ի մամուլի քարտուղար Արմինէ Ուդումյանը,
խոհրդակցության նպատակն էր խրախուսել երկու կողմերի միջեւ խնդրի
վերաբերեալ համաձայնութեան հասնելու համար ընթացող
բանակցութիւնները:
«Յանձնաժողովը երբեք չի համարել, որ տուգանքները մրցակցային
մտածողութեան բերելու լաւագոյն ձեւն են, այդ պատճառով էլ խորհուրդ
ենք տալիս, որ շարունակեք քննարկումները, արդէն ձեռք բերուած
համաձայնութիւնները հստակեցնեք»,- ասել է վարոյթի աշխատանքները
համակարգող, ՏՄՊՊՀ-ի անդամ Հրայր Արամեանը: Կողմերի
ներկայացուցիչներին նա հաւաստիացրել է, որ այդ յանձնաժողովի համար
իրականում էական է ոչ թէ խախտումն արձանագրելը, տուգանքների
ենթարկելը, այլեւ բիզնեսի զարգացմանն ու մրցակցութեանը խոչընդոտող
սահմանափակման վերացումը, ուստիեւ` կողմերի միջեւ ընթացող
բանակցութիւնները Յանձնաժողովի համար վարոյթը աւարտելու
նախընտրելի եղանակն են:
Հ.Արամեանը նշել է, որ Յանձնաժողովի համար վարոյթը աւարտուած
կհամարուի եւ հնարաւոր խախտման հանգամանքների վերլուծութիւնը
կդադարեցուի այն պարագայում, եթէ պրովայդերների բարձրացրած հարցերի
լուծումն ամրագրուի երկու կողմերի միջեւ կնքւող համաձայնութեան
հուշագրում:
Խորհրդակցութեան ընթացքում «արմէնտել»-ի ներկայացուցիչները
յհայտարարեցին խնդիրը բանակցութիւնների միջոցով լուծելու իրենց
պատրաստակամութիւնը, իսկ պրովայդերների ներկայացուցիչները
նախընտրելի համարեցին վարոյթում արծարծուող խնդիրների լուծումը
Յանձնաժողովի որոշմամբ ամրագրելու տարբերակը, որը նրանց յուշագրի
դրոյթների կատարման լրացուցիչ երաշխիքներ կտայ:
Ըստ նոյն աղբիւրի, «Վեբ» եւ «Արմինկօ» ընկերութիւնները
դիմել են Յանձնաժողով, յայտնելով, որ «արմէնտել» ընկերութեան
կողմից ինտերնետ հասանելիութեան ծառայութիւնների տրամադրման
պայմաններում առկայ է մրցակցութեան սահմանափակում: Համաձայն
դիմումների, «արմէնտել»-ը ինտերնետ հասանելիութեան Hi-Line
Unlimited ծառայութիւնը տրամադրում է` «օգտագործելով հեռախօսային
ցանցի պատմականօրէն մենաշնորհային կարգով իրեն պատկանող գծի
ենթակառուցվածքները, որոնց օգտագործման հնարաւորութիւնից զրկուած
են այլ ինտերնետ ծառայութիւններ մատուցող ընկերութիւնները»:
Միաժամանակ, ըստ «Վեբ»-ի եւ «Արմինկօ»-ի, «արմէնտել»-ն այլ
օպերատորներին չի տրամադրում կապուղիներ: Յանձնաժողով դիմած
պրովայդերներին օրերս միացել է նաեւ «քրոսսնեթ» ընկերութիւնը: