ԲՐԱԶԻԼԻԱՅՈՒՄ ՅԱՅՏՆԱԲԵՐՈՒԵԼ Է ՄԵԾՈՒԹԵԱՄԲ ԱՇԽԱՐՀՈՒՄ ԵՐՐՈՐԴ
ՆԱՒԹԻ ՀԱՆՔԱՎԱՅՐԸ
15-04-2008 19:12:00 | | Միջազգային
ԲՐԱԶԻԼԻԱ, 15 ԱՊՐԻԼԻ, ՆՈՅԵԱՆ ՏԱՊԱՆ: Բրազիլիայում
յայտնաբերուել է աշխարհում մեծութեամբ երրորդ նաւթի հանքավայրը: Այս
մասին, ինչպէս հաղորդում է ԻՏԱՌ-ՏԱՍՍ-ը, յայտարարել է Ազգային
նաւթային գործակալութեան տնօրէն Խարոլդո Լիման:
Նա նշել է, որ տեղեկատվությունն առայժմ նախնական է եւ
հաստատման կարիք ունի, սակայն ստացուել է «Պետրոբրազ» բրազիլական
ազգային նաւթային ընկերութեան աղբիւրից, որը մասնակցել է
երկրաբանահետախուզական աշխատանքներին: Ըստ նրա, խօսքը «Կարիոկա»
շելֆային տեղամասի խորջրեայ հանքավայրի մասին է, որի պաշարները
կարող են կազմել 33 մլրդ բարէլ: «Այն կարող է դառնալ վերջին 30
տարիներին յայտնաբերուած խոշորագոյն հանքավայրը, եւ այսօրուայ
դրութեամբ` իր մեծութեամբ երրորդն աշխարհում»,- ասել է Ազգային
նաւթային գործակալութեան ղեկավարը: