ՂԱԶԱԽՍՏԱՆԻ ՆԱԽԱԳԱՀԻ ՆԱԽԿԻՆ ՓԵՍԱՆ ՀԵՌԱԿԱՅ ԴԱՏԱՊԱՐՏՈՒԵԼ Է 20
ՏԱՐՈՒԱՅ ԲԱՆՏԱՐԿՈՒԹԵԱՆ
26-03-2008 17:39:00 | | Միջազգային
ԱՍՏԱՆԱ, 26 ՄԱՐՏԻ, ՆՈՅԵԱՆ ՏԱՊԱՆ: Ղազախստանի նախագահ
Նուրսուլթան Նազարբաեւի նախկին փեսան` Ռահատ Ալիեւը եւ
հանրապետութեան ազգային անվտանգութեան կոմիտէի նախկին նախագահ
Ալնուր Մուսաեւը հեռակայ դատապարտուել են 20 տարուայ ազատազրկման
պետական յեղաշրջում նախապատրաստելու համար, հաղորդում է Ղազախստանի
գլխաւոր դատախազութիւնը:
Այսօր Ակմոլայի կայազորի զինուորական դատարանում աւարտուել է
Ղազախստանի 16 քաղաքացիների, այդ թւում Ալիեւի, Ալնուր Մուսաեւի եւ
միւսների նկատմամբ քրէական գործի քննութիւնը: Խմբի անդամները
մեղադրւում էին ծանր հանցագործություններում: Դատաւարութեան
ընթացքում ապացուցուել է, որ Ալիեւի ղեկավարութեամբ իրականացուել է
երկրում իշխանութեան բռնազաւթման նախապատրաստութիւն:
Ռահատ Ալիեւը եւ Ալնուր Մուսաեւը թաքնվում են արտասահմանում:
Ղազախստանի նախագահի նախկին փեսան կտրականապէս հերքում է իր դէմ
յարուցուած մեղադրանքը` յայտարարելով, որ ինքը քաղաքական ինտրիգների
զոհ է դարձել այն բանից յետոյ, երբ իր նախագահական
հավակնությունների մասին իմացել է երկրի նախագահ Նուրսուլթան
Նազարբաեւը: