«ԲՐԻԳԱԴԱ» ՍԵՐԻԱԼԻ ՌԵԺԻՍՈՐԻ ՈՐԴԻՆ ԴԱՏԱՊԱՐՏՈՒԵԼ Է 13 ՏԱՐՈՒԱՅ
ԲԱՆՏԱՐԿՈՒԹԵԱՆ
18-03-2008 19:01:00 | Ռուսաստան | Միջազգային
ՄՈՍԿՈՒԱ, 18 ՄԱՐՏԻ, ՆՈՅԵԱՆ ՏԱՊԱՆ: Սեւերոդվինսկի քաղաքային
դատարանը խիստ ռեժիմի գաղութում 13 տարուայ բանտարկութեան է
դատապարտել «Բրիգադա» սերիալի ռեժիսոր Ալեքսեյ Սիդորովի որդուն:
Այս մասին, ինչպէս հաղորդում են ռուսական ԶԼՄ-ները, յայտնել է
Սեւերոդվինսկի դատախազի օգնական Արսենի Կոռիտովը:
2007 թուականի դեկտեմբերին Լեոնիդ Սիդորովը եւ իր ընկեր
Սեմյոնովը հարբած վիճակում ներխուժել են կոմունալ բնակարանի
հարեւանների սենեակը, որտեղ այդ պահին գտնուել են երկու տղամարդ եւ
կին: Նրանք երկար ծեծել են նրանց, կնոջը նաեւ բռնաբարել, որից յետոյ
նրա վրայ շուռ տուել սառնարանը: Ստացած վնասվածքներից կինը վախճանուել
է:
Դատավճռի հրապարակումից յետոյ դատապարտուածները յայտարարել են,
որ մտադիր են բողոքարկել դատարանի որոշումը: