ՄՈՍԿՈՒԱՆ ՅԱՅՏԱՐԱՐԵԼ Է ԱՆԼԵԳԱԼ ՄԻԳՐԱՆՏՆԵՐԻ ՀԱՄԱՆԵՐՈՒՄ
29-02-2008 17:36:00 | Ռուսաստան | Միջազգային
ՄՈՍԿՈՒԱ, 29 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Այսօր Մոսկուայում
համաներում է յայտարարւում միգրանտների համար, ովքեր լեգալ
կարգավիճակ չեն ստացել, հաղորդում է «ինտերֆաքսը»:
Արտասահմանցիների մեծ մասը չեն ուզում «դուրս գալ ստուերից»,
որովհետեւ երկյուղում են բռնվելուց, համարում է Միգրացիայի
դաշնապետական ծառայութեան Մոսկուայի վարչութեան պետ Ֆյոդոր
Կարպովեցը:
«Հաշուի առնելով այդ իրավիճակը, մենք ընդունեցինք հետեւեալ
որոշումը. վաղվանից ցանկացած արտասահմանեան քաղաքացի կարող է
համարձակ գալ մեզ մօտ ՄԴԾ եւ լեգալ կարգավիճակ ստանալ: Մենք նրան
կտրամադրենք միգրացիոն քարտ եւ կդնենք միգրացիոն հաշուառման:
Լեգալացումը կարժենա 2 հազար ռուբլի»,- պարզաբանել է Կարպովեցը:
«Եթէ մէկ ամսուայ ընթացքում լեգալ կարգավիճակ ստացած միգրանտը
չտեղավորվի աշխատանքի կամ ուսման, նա պարտաւոր կլինի մեկնել
Մոսկուայից»,- նշել է նա:
Մէկ տարում Մոսկուայում միգրացիոն հաշուառման են կանգնել 1 մլն
740 հազար միգրանտներ: