ՆՅՈՒ ԵՈՐՔ, 20 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Միջազգային իրաւապաշտպանական Human Rights Watch (HRW) կազմակերպութեան գործադիր տնօրէն Քենեթ Ռոթին մերժել են Ռուսաստանի մուտքի այցագիր տրամադրել, հաղորդում է «Ինտերֆաքսը»: «Սա առաջին անգամ է ԽՍՀՄ ժամանակներից ի վեր, երբ HRW-ի ներկայացուցչին այցագիր չեն տալիս Ռուսաստան ժամանելու համար»,- նշել է Ռոթը: «Հենց սա ոչ կառավարական կազմակերպութիւնների վրայ այն յարձակումների օրինակ է, որոնց մասին մենք գրում ենք մեր զեկոյցում (Ռուսաստանի քաղաքացիական հասարակութեան վիճակի մասին)»,- ասել է Քենեթ Ռոթը:

---