ԱՄԵՐԻԿԱՀԱՅ ՀԱՄԱՅՆՔՆ ԱՅՆՔԱՆ ԵՐԿԱՐ ՃԱՆԱՊԱՐՀ Է ԱՆՑԵԼ...
19-02-2008 15:20:00 | ԱՄՆ | Յօդուածներ
Յարութ Սասունեան
«Կալիֆոռնիան կուրիեր»-ի հրատարակիչ
Մենք բոլորս կարող ենք յիշել այն ժամանակը, երբ ամենամեայ
որեւէ ճաշկերոյթի յայտնւում էր քաղաքային խորհրդի մի անդամ`
հայերին եւ նրանց ձեռքբերումները գովաբանող հռչակագրով: Ներկաները
քաղաքական գործչին ողջունում էին ուժգնացող ծափահարություններով եւ
յոտնկայս գոչիւններով: Եվ եթէ ընտրուած պաշտօնեան հաջողեր լսարանին
ողջունել մէկ կամ երկու աղաւաղուած հայերէն բառով, ապա նրան
կգովաբաներին որպէս հերոսի:
Այժմ այդ ժամանակները հեռաւոր յիշողութիւն են: Կոնգրեսի
անդամների մասնակցութիւնը հայկական միջոցառումներին սովորական բան
է դարձել: Նահանգապետներն իրենց ուշադրութիւնը կենտրոնացնում են
ապրիլի 24-ի ոգեկոչման վրայ եւ Հայոց ցեղասպանութեան օր յռչակում`
չնայած դաշնային կառավարութեան դիմադրութեանը: Ըստ էութեան, ԱՄՆ
բոլոր նախագահի թեկնածուները տարածում են յայտարարութիւններ,
որոնք ոչ միայն վերահաստատում են Հայոց ցեղասպանութիւնը, այլեւ
աջակցութիւն են արտայայտում հայկական հիմնախնդիրներից շատերի
նկատմամբ:
Հիրաւի, հայերը երկար ճանապարհ են անցել: Իրենց մեծ
առաջընթացի համար նրանք պարտական են բազմաթիւ ամերիկահայ
կազմակերպութիւնների եւ յատկապէս համայնքի հազարաւոր անդամների
ակտիւութեանը, ովքեր` որպէս կամաւորներ, անձնակազմի անդամներ եւ
նուիրատուներ, ներգրաւուած են եղել քաղաքական շատ արշավներում: Շատ
ուրիշներ էլ առաջադրուել են քաղաքական պաշտօնների, մէկը` Ջորջ
Դեքմեջյանը, ընտրուել է Կալիֆոռնիա մեծ նահանգի նահանգապետ: Ուրիշ
ամերիկահայեր դարձել են պետական բարձրաստիճան պաշտոնեաներ,
Կոնգրեսի անդամներ, նահանգային օրենսդիրներ, քաղաքապետներ,
քաղաքային խորհուրդների անդամներ, ինչպէս նաեւ դատական համակարգի
աչքի ընկնող անդամներ. Տիգրան Թեւրիզյանը դարձել է ամերիկահայ
առաջին դաշնային դատաւորը, իսկ դատաւորներ Արման Արաբեանը եւ
Մարվին Բեքսթերը աշխատում էին Կալիֆոռնիայի Գերագոյն դատարանում:
Չնայած համայնքի վերջին տարիների մեծ յաջողութիւններին`
աւելի մեծ ակտիւութեան եւ կազմակերպական ջանքերի միջոցով շատ
աւելիին կարելի էր հասնել: Դժբախտաբար, միշտ կան այնպիսիք, որոնք
դուրս չեն գալիս իրենց անկիւնից եւ քարեր են նետում քաղաքականապես
ակտիւների վրայ` այդպիսով ուրիշներին էլ յետ կանգնեցնելով համայնքի
խնդիրներում ներգրաւուելու մտադրությունից: Նրանց համար բաժակը միշտ
կիսով չափ դատարկ է եւ ոչ թէ կիսով չափ լիքը: Նրանք պնդում են, թէ
քաղաքական ակտիւութիւնն իմաստ չունի, կայ'մ որովհետեւ քաղաքական
գործիչներին չի կարելի վստահել, կամ էլ որովհետեւ այս կամ այն
խումբը հակահայկական դաւադրութիւն է իրականացնում, ինչի պատճառով
հայերը երբեք չեն հասնի իրենց նպատակներին: Այս անտարբեր հայերը
հրաժարվում են ժամանակ, եռանդ եւ փող ծախսելուց` հայկական
խնդիրներին օժանդակելու համար: Աւելի յաջողակ էթնիկ խմբերի
ձեռքբերումները որպէս մոդել օգտագործելու եւ դրանց հետ մրցելու
փոխարէն` այս «ոչ» ասողները կամ նախանձում, կամ զրպարտում են
նրանց:
Եկեք որպէս օրինակ դիտարկենք Ամերիկեան Հրեական յանձնախումբը
(ԱՀՀ), որը Նյու Յորքում մօտ ամիսներին պատրաստւում է
տոնել իր 102-ամեակը: ԱՀՀ-ի խորհրդաժողովին ելոյթով հանդէս գալու
հրաւիրուած նշանաւոր հիւրերի թւում են ՄԱԿ-ի Գլխաւոր քարտուղար Պան
Գի-Մունը, ԱՄՆ պետքարտուղար Կոնդոլիզա Ռայսը, Ֆրանսիայի վարչապետ
Ֆրանսուա Ֆիյոնը, Ռուսաստանի արտգործնախարար Սերգեյ Լավրովը,
Միջազգային հիմնադրամի նախագահ Դոմինիք Սթրոս-Կանը, «Կոլումբիա»
համալսարանի նախագահ Լի Բոլինջերը, «Վուդրո Վիլսոն» դպրոցի դեկան
Անն-Մարի Սլոթերը, ինչպէս նաեւ Մարոկկոյի արտգործնախարար Թաիբ
Ֆասսի Ֆիհրին:
Ես չեմ զարմանա, եթէ ոչ շատ հեռաւոր ապագայում ամերիկահայ
խոշոր կազմակերպութիւնները նոյնքան նշանաւոր բարձրաստիճան
պաշտօնեաների հյուընկալեն իրենց ամենամեայ ժողովներին կամ տօնական
ճաշկերույթներին: Իրոք, վերջին տարիներին մի շարք հայկական խմբեր,
ինչպէս ՀԲԸՄ-ն, Ամերիկայի Հայ դատի յանձնախումբը, Հայկական
համագումարը, Թեմեը, Պրելատությունը, «Հայաստանի երեխաներ»
հիմնադրամը եւ Հայկական ուսումնասիրությունների ինստիտուտը շատ
հեղինակավար միջոցառումներ են անցկացրել եւ հիւրընկալել ընտրուած
ազդեցիկ պաշտօնեաների եւ յայտնի անձանց:
Միւս արշինը, որով կարելի է չափել ամերիկահայ համայնքի
արձանագրած առաջընթացը, այն գումարն է, որը նա հանգանակում եւ
տրամադրում է Հայաստանում եւ սփիւռքում իրականացyող տարբեր
ծրագրերի: Ամերիկահայ մի շարք կազմակերպութիւններ տարբեր
առիթներով տարեկան տասնեակ միլիոնավոր դոլարներ են հաւաքում:
Հանգանակութեան ամենանշանակալի միջոցառումներից մէկը «Հայաստան»
հիմնադրամի ամենամեայ հեռուստամարաթոնն է: Այս կազմակերպութիւնը
մօտ 15-ական մլն է հաւաքել անցեալ երկու տարուայ ընթացքում եւ էլի
միլիոններ` նախկին հեռուստամարաթոններին:
Որպէս համեմատութեան նմուշ հետաքրքիր կլինի նշել
ամերիկեան-հրեական համայնքի` գումար հանգանակելու գործում ունեցած
յաջողութիւնների մասին. դա նաեւ կխրախուսի ամերիկահայերին, որ է'լ
աւելի ներգրաւուեն համայնքի գործերում:
Ըստ Միաւորուած հրեական համայնքների (ՄՀՀ) նախագահ Հովարդ
Ռիջերի, անցեալ տարի Հիւսիսային Ամերիկայի հրեական դաշնութեան
համակարգը հաւաքել է 2,4 մլրդ. դոլար: Այս խումբն այժմ իր
նուիրատւութեան ֆոնդերում աւելի քան 13 մլրդ դոլար ունի, որը
տարեկան մօտ 1 մլրդ դոլար եկամուտ է տալիս: Անշուշտ, հասկանալի է,
որ ամերիկեան-հրեական համայնքն աւելի հին, մեծ, բարգաւաճ եւ լաւ
կազմակերպուած է, քան ամերիկահայ համայնքը: Այնուամենայնիւ, հայերը
շատ աւելիին կարող են հասնել, քան ներկայումս հասել են` եթէ
ընդլայնեն իրենց աջակցութեան հնարաւորութիւնները թէ' հասարակական
կազմակերպութիւնների, թէ' ղեկավարութեան մակարդակում:
Վստահաբար կարելի է ասել, որ ամերիկահայերը երկար ճանապարհ են
անցել մինչ ամերիկեան քաղաքականութեան մաս դառնալը: Աւելի
կազմակերպուած դառնալով, աւելի ներգրավվելով քաղաքական
գործունէութեան մէջ եւ մոբիլիզացնելով իներտ մարդկանց` ամերիկահայ
համայնքը կարող է ընդլայնել իր տնտեսական եւ քաղաքական առաջմղիչ
կարողութիւնը եւ' ներպետական, եւ' միջազգային համաժողովներում:
Շուտով կարող է գալ այն օրը, երբ աշխարհի հայտնիներից եւ
հզօրներից ոմանք կթակեն հայկական կազմակերպութիւնների դուռը`
անդրադառնալու համար համայնքի խորքային հիմնախնդիրներին,
մտահոգութիւններին եւ շահերին: