ԱՅՍ ՇԱԲԱԹ ՀԱՅԱՍՏԱՆՈՒՄ ՈՍԿՈՒ ԵՎ ԱՐԾԱԹԻ ԳՆԵՐԸ ՆՈՒԱԶԵԼ ԵՆ, ԻՍԿ
ՊԼԱՏԻՆԻ ԵՎ ՊԱԼԱԴԻՈՒՄԻ ԳՆԵՐԸ` ԱՃԵԼ
13-02-2008 16:00:00 | Հայաստան | Տնտեսութիւն
ԵՐԵՎԱՆ, 13 ՓԵՏՐՈՒԱՐԻ, ՆՈՅԵԱՆ ՏԱՊԱՆ: ՀՀ Ֆինանսների եւ
էկոնոմիկայի նախարարութեան «Թանկարժեք մետաղների եւ թանկարժեք
քարերի պետական գանձարան» գործակալութեան կողմից ոսկու եւ արծաթի
գնման եւ բացթողնման փետրուարի 11-17-ի համար սահմանուած գները աւելի
ցածր են, քան փետրուարի 4-10-ի ժամանակահատուածի համար, իսկ պլատինի
եւ պալադիումի գները` աւելի բարձր:
Նախարարութեան պաշտօնական կայքէջի տուեալներով, փետրուարի
11-17-ի համար քիմիապես մաքուր ոսկու պետական ստանդարտին
համապատասխանող ձուլակտորի 1 գրամի գնման գինը սահմանուել է 8 հազ.
299,11 դրամ (մօտ 26,79 ԱՄՆ դոլար), իսկ բացթողնման գինը` 8 հազ.
944,68 դրամ, նախորդ շաբաթուայ, համապատասխանաբար, 8 հազ. 399,47
դրամի (նուազումը` 2,02822%) եւ 9 հազ. 129,86 դրամի (2,02829%)
դիմաց:
1 գրամ արծաթի գնման գինը փետրուարի 11-17-ի համար սահմանուել է
152,36 դրամ, բացթողնմանը` 165,61 դրամ` նախորդ շաբաթուայ,
համապատասխանաբար, 152,54 դրամի (նուազումը` 0,118%) եւ 165,8 դրամի
(նուազումը` 0,1146%) դիմաց:
Պլատինի 1 գրամի գնման գինը ընթացիկ շաբաթուայ համար սահմանուել
16 հազ. 526,44 դրամ, բացթողնմանը` 17 հազ. 963,52 դրամ, նախորդ
շաբաթուայ, համապատասխանաբար, 15 հազ. 536,77 դրամի (աճը` 6,36986%)
եւ 16 հազ. 887,79 դրամի (աճը` 6,36987%) դիմաց:
Պալադիումի 1 գրամի գնման գինը ընթացիկ շաբաթուայ համար
սահմանուել է 3 հազ. 845,93 դրամ, բացթողնմանը` 4 հազ. 180,36 դրամ`
նախորդ շաբաթուայ, համապատասխանաբար, 3 հազ. 534,69 դրամի (աճը`
8,8053%) եւ 3 հազ. 845,02 դրամի (աճը` 8,80546%) դիմաց: