ՀՀ ԿԲ-Ն ԳՐԱՆՑԵԼ Է «ԱԼՖԱ-ԻՆՇՈՒՐԱՆՍ» ԱՊԱՀՈՎԱԳՐԱԿԱՆ
ԸՆԿԵՐՈՒԹԻՒՆԸ
12-02-2008 20:00:00 | Հայաստան | Տնտեսութիւն
ԵՐԵՎԱՆ, 12 ՓԵՏՐՈՒԱՐԻ, ՆՈՅԵԱՆ ՏԱՊԱՆ: ՀՀ Կենտրոնական բանկի
խորհրդի փետրուարի 12-ի որոշմամբ գրանցուել է «ԱԼՖԱ-ԻՆՇՈՒՐԱՆՍ»
ապահովագրական փակ բաժնետիրական ընկերութիւնը, որին տրամադրվել է
ոչ կեանքի ապահովագրութեան իրականացման լիցենզիա: Ինչպէս «ՆՈՅԵԱՆ
ՏԱՊԱՆ»-ին յայտնեցին ՀՀ ԿԲ-ի մամուլի ծառայութիւնից,
«ԱԼՖԱ-ԻՆՇՈՒՐԱՆՍ»-ին նշուած լիցենզիայով վերապահուել է ցամաքային
տրանսպորտի (բացառութեամբ երկաթուղային), հրդեհից եւ բնական
աղէտներից, դժբախտ պատահարներից, ցամաքային աւտոտրանսպորտային
միջոցների (նաեւ` բեռնափոխադրող) օգտագործումից բխող
պատասխանատւութեան, փոխադրվող գոյքի (բեռների) եւ ընդհանուր
պատասխանատւութեան ապահովագրութեամբ զբաղուելու իրաւունք:
Ինչպէս 2007թ.-ի նոյեմբերի վերջին նշել էր ՀՀ ԿԲ-ի նախագահ
Տիգրան Սարգսեանը, Հայաստանի ապահովագրական ոլորտում օրենսդրական
բարեփոխումների իրականացման եւ կարգաւորման միջազգային
ստանդարտների ներդրման արդիւնքում 2007թ.-ին 6 ապահովագրական
ընկերութիւններ դադարեցրել են գործունէութիւնը: Ըստ նրա,
նոյեմբերի վերջին գործող 9 ապահովագրական ընկերություններն ունեցել
են 38 հազար ապահովագրական պայմանագրեր, կամ 30%-ով աւելի, քան
ունէին 2006թ.-ին գործող 15 ապահովագրական ընկերութիւնները:
Աւելի վաղ ՀՀ ԿԲ նախագահը նշել էր, որ 2008թ.-ից Հայաստանի
ապահովագրական շուկայում կգործեն այդ ոլորտի առաջնակարգ օտարերկրեայ
ընկերութիւններ, ինչի վերաբերեալ ՀՀ ԿԲ-ն ձեռք է բերել նախնական
պայմանավորվածություններ: Նրա խօսքերով, ամենայն հաւանականութեամբ,
առաջինը Հայաստանի ապահովագրական շուկայում կսկսի աշխատել
բրիտանական ապահովագրական ընկերութիւն: