ՄԻՆՉԵՒ 2009 Թ.-Ը ՄԱՅՐԱՔԱՂԱՔՈՒՄ ԿԻՐԱԿԱՆԱՑՈՒԻ ԱՆՇԱՐԺ ԳՈՅՔԻ
ՆԿԱՏՄԱՄԲ ՔԱՂԱՔԱՑԻՆԵՐԻ ՍԵՓԱԿԱՆՈՒԹԵԱՆ ԻՐԱՒՈՒՆՔՆԵՐԻ ՃԱՆԱՉՄԱՆ
ՎԵՐԱԿԱՆԳՄԱՆ ԾՐԱԳԻՐ
11-02-2008 20:00:00 | Հայաստան | Տնտեսութիւն
ԵՐԵՎԱՆ, 11 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ներկայումս Երեւանում
իրականացւում է անշարժ գոյքի նկատմամբ քաղաքացիների սեփականութեան
իրաւունքների ճանաչման-վերականգման ծրագիր: Ինչպէս փետրուարի 11-ի
ասուլիսում նշեց Երեւանի քաղաքապետ Երուանդ Զախարյանը, ծրագիրը
հնարաւորութիւն կտայ ճանաչել քաղաքացիների կողմից տասնեակ տարիներ
օգտագործվող անշարժ գոյքի նկատմամբ նրանց իրաւունքները:
Քաղաքապետը նշեց, որ մի շարք իրացման գօտիներում այդ
աշխատանքները սկսուել են դեռեւս 2007թ.-ին: Սեփականութեան
իրաւունքների վերականգնման աշխատանքների վերջնաժամկետը 2009թ.-ի
դեկտեմբերն է:
Ըստ ծրագրի, 2008թ.-ի առաջին եռամսյակում սեփականութեան իրենց
իրաւունքը կը վերականգնեն Աւան, Նորք-Մարաշ համայնքների բնակիչները,
երկրորդ եռամսյակում` Կենտրոն համայնքի, երրորդ եռամսյակում`
Շենգաւիթի (մասնաւորապէս` Ներքին Չարբախ եւ Նորագավիթ գիւղերի,
Աէրացիա թաղամասի), չորրորդ եռամսյակում` Մալաթիա-Սեբաստիա
համայնքի (Շերամի փողոց, Յաղթանակ գիւղ, Ախպարաշեն, Նոյ եւ Մուշ
թաղամասեր) բնակիչները: 2009թ.-ին այդ աշխատանքները կիրականացուեն
Էրեբունի, Աջափնեակ, Դաւթաշէն, Արաբկիր, Քանաքեռ-Զեյթուն եւ
Նուբարաշէն համայնքներում: Ոչ իրացման գօտիներում սեփականութեան
իրենց իրաւունքը կը վերականգնեն 10 հազար քաղաքացիներ:
Ե.Զախարյանը յայտնեց, որ առաջիկայ երկու տարում իրացուելու են
նաեւ հետեւեալ տարածքները` Կրկեսին, Գինու գործարանին,
Հանրապետական մարզադաշտին, Ճարտարագիտական համալսարանին, Մաշտոցի
պողոտայում գտնուող շուկային հարող տարածքները, Ֆիրդուսի, Կոնդ եւ
Կոզեռն թաղամասերը: Ընդհանուր առմամբ, ըստ քաղաքապետի, իրացման
աշխատանքներ կիրականացուեն 23 տարածքներում: