ՅՈՒՆՈՒԱՐԻՆ ՀԱՅԱՍՏԱՆՈՒՄ ՊԱՐԵՆԱՅԻՆ ԱՊՐԱՆՔՆԵՐԻ ԳՆԵՐԸ 4,4%%-ՈՎ
ԱՃԵԼ ԵՆ
04-02-2008 15:50:00 | Հայաստան | Տնտեսութիւն
ԵՐԵՎԱՆ, 4 ՓԵՏՐՈՒԱՐԻ, ՆՈՅԵԱՆ ՏԱՊԱՆ: 2008թ.-ի յունուարին
2007թ.-ի դեկտեմբերի համեմատ Հայաստանում պարենային ապրանքների
գներն աճել են 4,4%-ով, ինչը 0,6%-ով ցածր է նախորդ տարուայ նոյն
ժամանակահատուածի համապատասխան ցուցանիշից (5%): ՀՀ Ազգային
վիճակագրական ծառայութեան տուեալներով, դիտարկուող պարենային 13
ապրանքախմբերից 10-ում արձանագրուել է 0,3-34% գնաճ:
2008թ.-ի յունուարին 2007թ.-ի յունվարի համեմատ բանջարեղէնի եւ
կարտոֆիլի ապրանքախմբերում արձանագրուել է 2,1% գնանկում, իսկ
2007թ.-ի դեկտեմբերի համեմատ` 34% գնաճ, որը գերազանցել է նախորդ
տարուայ համապատասխան ցուցանիշը 4,5%-ով (29,5%): 2008թ.-ի յունուարին
2007թ.-ի դեկտեմբերի համեմատ հանրապետութիւնում գրանցուել է լոլիկի
(1,1 անգամ), վարունգի (50,3%), գլուխ սոխի (19,4%), ճակնդեղի
(11,8%), գազարի (9%), կարտոֆիլի (4%), սխտորի (1,9%) գնաճ:
Մրգի ապրանքախմբում 2008թ.-ի յունուարին 2007թ.-ի յունվարի
համեմատ Հայաստանում արձանագրուել է 7,4%, իսկ 2007թ.-ի դեկտեմբերի
համեմատ` 8,9% գնաճ: Մանդարինի, կիտրոնի, խաղողի, խնձորի,
ադամաթզի, նռան, տանձի, արքայանարնջի գները 2008թ.-ի յունուարին
2007թ.-ի դեկտեմբերի համեմատ աճել են 8,9-50,6%-ով:
Ձկնամթերքի ապրանքախմբում 2008թ.-ի յունուարին 2007թ.-ի
դեկտեմբերի համեմատ արձանագրուել է 11% գնաճ: Նոյն
ժամանակահատուածում մսամթերքի ապրանքախմբում գրանցուել է 1,1% գնաճ,
ինչը հիմնականում խոզի մսի 11,3% գնաճի արդիւնք է: Տաւարի մսի
գինն աճել է 1%-ով, իսկ ոչխարի մսի գինը նուազել է 0,5%-ով:
Հացամթերքի, հրուշակեղէնի, ոչ ոգելից խմիչքի, կաթնամթերքի,
ձուի, սուրճի, թեյի, կակաոյի ապրանքախմբերում 2008թ.-ի յունուարին
2007թ.-ի դեկտեմբերի համեմատ արձանագրուել է 0,3-1,7% գնաճ:
2008թ.-ի յունուարին 2007թ.-ի յունվարի համեմատ կենդանական եւ
բուսական իւղի ապրանքախմբում արձանագրուել է 24,6% գնաճ, իսկ
2007թ.-ի դեկտեմբերի համեմատ 3,6% գնանկում: Վերջինս մեծապէս
պայմանաւորուել է կարագի 8,3% գնանկումով: Բուսական իւղի, այլ
իւղերի գները 2008թ.-ի յունուարին 2007թ.-ի դեկտեմբերի համեմատ
նուազել են 4,3-1,6%-ով:
2008թ.-ի յունուարին 2007թ.-ի յունվարի համեմատ Հայաստանում
շաքարաւազի գինը նուազել է 19,1%-ով, իսկ 2007թ.-ի դեկտեմբերի
համեմատ` 1,7%-ով: