ՌԻԳԱ, 31 ՅՈՒՆՎԱՐԻ, ՆՈՅԵԱՆ ՏԱՊԱՆ: Լատուիացի դիւանագէտ Պետերիս
Պոդվինսկին, որ արտաքսուել էր Ռուսաստանից ի պատասխան ռուս
դիւանագէտի արտաքսմանը, իր դիւանագիտական կարիերան կշարունակի
ԱՄՆ-ում Լատվիայի դեսպանատանը: Այս մասին, ինչպէս հաղորդում է
«Նովոստի» գործակալութիւնը, յայտնել է Լատվիայի ԱԳՆ ղեկավար Մարիս
Ռիեկստինշը:
«Ռուսաստանից արտաքսումը ազդեցութիւն չի գործի մեր
դիւանագէտի կարիերայի վրայ: Պոդվինսկին աշխատանքը կշարունակի
ԱՄՆ-ում Լատվիայի դեսպանութիունում: Նրա մուտքը Ռուսաստան տեսանելի
ապագայում փակ է»,- ասել է Լատվիայի ԱԳՆ ղեկավարը:
Յիշեցնենք, որ լատվիական դեսպանութեան աշխատակիցը Ռուսաստանից
արտաքսուել էր ի պատասխան յունվարի 21-ին Լատվիայից ռուս դիւանագէտի
արտաքսմանը: