ՀՐԱԺԱՐԱԿԱՆ Է ՏՈՒԵԼ ԻՏԱԼԻԱՅԻ ՎԱՐՉԱՊԵՏ ՌՈՄԱՆՈ ՊՐՈԴԻՆ
25-01-2008 19:00:00 | | Միջազգային
ՀՌՈՄ, 25 ՅՈՒՆՎԱՐԻ, ՆՈՅԵԱՆ ՏԱՊԱՆ: Հինգշաբթի երեկոյեան
Իտալիայի վարչապետ Ռոմանո Պրոդին հրաժարականի պաշտօնական դիմում է
ներկայացրել երկրի նախագահ Ջորջո Նապոլիտանոյին, հաղորդում է
«Ֆրանսպրեսը»:
Պրոդին կառավարութեան ղեկավարի պաշտօնը թողնելու վճիռ է
ընդունել այն բանից յետոյ, երբ հինգշաբթի աւելի վաղ տանուլ է տուել
Սենատում իր նախարարների կաբինետին վստահութեան քվեարկությունը:
Յունվարի 23-ին խորհրդարանի ստորին պալատի պատգամաւորները, որտեղ
կառավարական կոալիցիան մեծամասնութիւն է կազմում, սատարել էին
Պրոդիին: Սակայն վերին պալատի պատգամաւորները, որտեղ կառավարական
կոալիցիան նախարարների կաբինետի կազմից «Ժողովրդավարների դաշինք
Եւրոպայի համար» կուսակցութեան ղեկավար Կլեմենտե Մաստելլայի դուրս
գալուց յետոյ կորցրել է մեծամասնութիւնը, հրաժարուել են Պրոդիին
աջակցելուց: