ԵՐԵՎԱՆ, 18 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 19-ին Սանկտ
Պետերբուրգում կմեկնարկի ԱՊՀ եւ Բալթեան երկրների ֆուտբոլի
չեմպիոնների «Համագործակցութեան գաւաթ»-ի հերթական խաղարկութիւնը:
Հայաստանն այդ մրցաշարում կներկայացնի Երեւանի «Բանանցը»:
Մասնակից 16 թիմերը բաժանուել են 4 ենթախմբի: Իւրաքանչիւր
ենթախմբի 2 լաւագոյն թիմերը հանդէս կգան յաջորդ փուլում` քառորդ
եզրափակիչում: Կիսաեզրափակիչ հանդիպումները նշանակուած են յունվարի
25-ին, իսկ եզրափակիչը` յունվարի 27-ին:
4-րդ խմբում ընդգրկուած «Բանանցի» մրցակիցներն են «Պախտակորը»
(Տաշքենտ, Ուզբեկստան), «ԲԱՏԷ»-ն (Բորիսով, Բելառուս) եւ «Դինամոն»
(Կիեւ, Ուկրաինա): Յունվարի 19-ին «Բանանցի» ֆուտբոլիստները կմրցեն
«ԲԱՏԷ»-ի, յունվարի 20-ին` «Պախտակորի», յունվարի 22-ին`
«Դինամոյի» հետ:
Հավելենք, որ խաղարկութեան հանդիպումները սպասարկող
մրցավարների թւում է 43-ամեայ Կարեն Նալբանդեանը (Երեւան): Նա
ՖԻՖԱ-ի մրցավար է եւ ընդհանուր առմամբ «Համագործակցութեան գաւաթ»-ի
խաղարկութիւնում 17 խաղ է վարել որպէս գլխաւոր մրցավար: