ԿՈՍՈՎՈՅԻ ՃԱՆԱՉՈՒՄԸ ՊԷՏՔ Է ՏԵՂԻ ՈՒՆԵՆԱՅ ԱՌԱՋԻԿԱՅ ՇԱԲԱԹՆԵՐԻՆ,-
ՅԱՅՏԱՐԱՐՈՒՄ Է ՌԴ-ՈՒՄ ՄԵԾ ԲՐԻՏԱՆԻԱՅԻ ԴԵՍՊԱՆ
17-01-2008 20:18:00 | Ռուսաստան | Միջազգային
ՄՈՍԿՈՒԱ, 17 ՅՈՒՆՎԱՐԻ, ՆՈՅԵԱՆ ՏԱՊԱՆ: Կոսովոյի երկրամասի
անկախութեան ճանաչումը պէտք է տեղի ունենայ մօտակայ շաբաթներին: Այս
կարծիքը յայտնել է Մոսկուայում Մեծ Բրիտանիայի դեսպան Էնտոնի
Բրենտոնը, հաղորդում է ԻՏԱՌ-ՏԱՍՍ-ը:
«Երկրամասի կարգավիճակի առնչութեամբ Լոնդոնի դիրքորոշման մէջ
փոփոխութիւններ չկան: Ժամանակն է ճանաչելու Կոսովոյի
անկախութիւնը»,- նշել է նա:
Դիւանագէտը յիշեցրել է, որ «դրան համաձայն են ԵՄ-ը, ԱՄՆ-ը եւ
ուրիշ շատ երկրներ»: «Դա պէտք է կատարուի յաջորդ մի քանի շաբաթների
ընթացքում»,- կարծում է Բրենտոնը: