ԵՐԵՎԱՆ, 20 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Թուրքիայի Քեմեր քաղաքում նոյեմբերի 18-ին մեկնարկել է շախմատի աշխարհի պատանեկան առաջնութիւնը, որին մասնակցում են 1450 մարզիկներ: Նրանք ներկայացնում են 6 տարիքային խումբ: Հայաստանից մասնակցում է 18 շախմատիստ: Խաղացվել է 2 փուլ: 2 միաւոր են վաստակել Աւետիք Գրիգորեանը (18 տարեկան), Ռոբերտ Յովհաննիսեանը եւ Դավիթ Գեւորգեանը (երկուսն էլ 16 տարեկան), Սամուէլ Տեր-Սահակեանը եւ Լուսինէ Թորոսեանը (երկուսն էլ 14 տարեկան), Նորայր Թորոսեանը (12 տարեկան) եւ Տիգրան Յարութիւնեյանը (10 տարեկան):

---