ՀԵԼՍԻՆԿԻ, 8 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 8-ին
Ֆինլանդիայում յայտարարուել է ազգային սգոյ օր Տուուսլա քաղաքում
տեղի ունեցած ողբերգութեան առնչութեամբ:
Նոյեմբերի 7-ին քաղաքի Իոկելա դպրոցում 18 ամեայ աշակերտ
Պեկկա-Էրիկ Աուվինենը կրակ էր բացել, ինչի հետեւանքով սպանուել էր
ութ եւ վիրաւորուել տասը մարդ: Աւելի ուշ Աուվինենը կրակել էր իր
գլխին եւ մի քանի ժամ անց մահացել հիւանդանոցում:
Ոստիկանութեան տուեալներով, զոհվածներ թւում են հինգ տղա,
երկու աղջիկ եւ դպրոցի տնօրէնը:
Ֆիննական լրատվամիջոցների տեղեկութիւններով, Պեկկա-Էրիկ
Աուվինենը քայլել է դպրոցի միջանցքով եւ, մէկը միւսի յետեւից
բացելով դասարանների դռները, կրակել: