ՀԵՐԱԿԼԻՈՆ, 6 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Յունաստանի Հերակլիոն քաղաքում նոյեմբերի 6-ին աւարտուեց շախմատի Եւրոպայի թիմային առաջնութիւնը: Վերջին` 9-րդ, փուլում Հայաստանի տղամարդկանց հաւաքականը 2,5:1,5 հաշւով, յաղթեց Իսրայելի թիմին, վաստակեց 14 միաւոր, գրաւեց 2-րդ տեղը եւ արժանացավ արծաթէ մեդալների: 16 միաւորով 1-ինը ճանաչուեցին ռուս շախմատիստները: 3-րդ տեղը գրաւեցին ադրբեջանցիները` 13 միաւոր: Հայաստանի կանանց հաւաքականը վերջին փուլում ոչ ոքի` 2:2, խաղաց Վրաստանի շախմատիստների հետ եւ, վաստակելով 13 միաւոր, 2-3-րդ տեղը բաժանեց Լեհաստանի թիմի հետ: Գործակիցներով հայ մարզուհիները գրաւեցին 3-րդ տեղը եւ նուաճեցին բրոնզէ մեդալներ: Իսկ 15 միաւորով յաղթողի կոչմանն արժանացավ Ռուսաստանի թիմը:

---