ԱՒԱՐՏՈՒԵԼ Է ՀՀՊ-Ի ՀԱՐՑՈՎ ՉԵԽԻԱՅԻ ԵՎ ԱՄՆ-Ի ԲԱՆԱԿՑՈՒԹԻՒՆՆԵՐԻ
ՀԵՐԹԱԿԱՆ ՓՈՒԼԸ
02-11-2007 17:32:00 | | Միջազգային
ՊՐԱՀԱ, 2 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Պրահայում աւարտուել է
Չեխիայում ԱՄՆ-ի ՀՀՊ ռադիոտեղորոշման կայան տեղակայելու ծրագրերի
իրականացման մասին չեխ-ամերիկեան բանակցութիւնների հերթական
փուլը: Կողմերը նոյեմբերի 1-ի երեկոյեան փաստել են, որ բաւարարուած
են բանակցութիւնների ընթացքից, եւ համոզմունք յայտնել, որ դրանք
կաւարտուեն մինչեւ եկող տարուայ սկիզբը:
«Մենք քննարկել ենք հարցեր, որոնք բացառապէս կապուած էին
չեխական տարածքում ռադարի ամերիկացի զինծառայողների թուից սպասարկող
անձնակազմի գտնուելու հետ: ՌՏԿ-ում Ռուսաստանի ներկայացուցիչների
ներկայութեան տարբերակներ երբեք չեն եղել եւ բանակցութիւնների
առարկայ չեն լինի: Այդ հարցը պէտք է լուծուի քաղաքական մակարդակում:
Առայժմ այն, ընդհանրապես, չկայ օրակարգում, հաշուի առնելով ռուս
քաղաքական գործիչների վերջին յայտարարութիւնները այդ առիթով»,-
յայտարարել է չեխական պատուիրակութեան ղեկավար, Չեխիայի
պաշտպանութեան նախարարութեան ռազմավարական պաշտպանական
քաղաքականութեան վարչութեան պետ Իվան Դվորժակը:
ՀՀՊ առնչութեամբ չեխ-ամերիկեան բանակցութիւններն սկսուել են
մարտին: Սպասւում է, որ եկող տարուայ սկզբին չեխական խորհրդարանը
որոշում կընդունի ՌՏԿ-ի ստեղծման հնարաւորութեյան մասին: