ԻՏԱԼԻԱՅՈՒՄ ԼՈՅՍ ԱՇԽԱՐՀ Է ԵԿԵԼ ՄԻԱՆԳԱՄԻՑ ՀԻՆԳ ԵՐԵԽԱՅ
01-11-2007 15:58:00 | | Միջազգային
ՀՌՈՄ, 1 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Միանգամից հինգ երեխայ` երեք
աղջիկ եւ երկու տղա է ծննդաբերել Պորտո Սան Ջորջո քաղաքի բնակիչ
27-ամեայ իտալուհին, հաղորդում են իտալական լրատվամիջոցները:
Փոքրիկները լոյս աշխարհ են եկել երեքշաբթի կեսարեան հատման
միջոցով: Այժմ նրանք գտնւում են բժշկական հսկողութեան տակ, իսկ
բազմազաւակ մոր ինքնազգացողութիւնը, ըստ բժիշկների, բաւարար է:
Նորածինները, որոնց ծնողներն արդէն անուններ են շնորհել,
մնալու են ինտենսիվ թերապիայի բաժանմունքում արհեստական կերակրման
եւ արհեստական շնչառութեան պայմաններում առնուազն 70 օր բժիշկների
հսկողութեան տակ:
Սառա Տարանտինան բուժւում էր անպտղությունից եւ պատրաստւում
արհեստական բեղմնաւորման: Սակայն այս հղիությունը եղել է բնական: