ՓԱՐԻԶ, 30 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ելիսեյան պալատը մտադիր
է գրեթէ 140%-ով բարձրացնել Ֆրանսիայի նախագահ Նիկոլա Սարկոզիի
աշխատավարձը, հաղորդում է ֆրանսիական «Ֆիգարօ» թերթը` վկայակոչելով
աղբիւրներ նախագահական վարչակազմից:
Ըստ աղբիւրների, Ֆրանսիայի խորհրդարան է ներկայացուել
զեկուցագիր` նախագահի գրասենեակի ղեկավար Էմմանուել Մինիոնի
ստորագրութեամբ, որտեղ առաջարկւում է բարձրացնել Սարկոզիի ամսական
աշխատավարձը` 8300 եվրոյից հասցնելով մինչեւ 20 հազար եւրոյի:
Որպէս երկրի ղեկավարի աշխատավարձի այդքան զգալի բարձրացման
փաստարկ Ելիսեյան պալատը նշում է Եւրոպական միութեան առաջնորդների
աշխատավարձերին այն հավասարեցնելու ցանկութիւնը:
ԵՄ անդամ երկրների ղեկավարներից ամենաբարձր աշխատավարձը
ներկայումս ստանում է Գերմանիայի կանցլեր Անգելա Մերկելը` ամսական
21262 եւրօ: