ԻՍԼԱՄԱԲԱԴ, 30 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Պակիստանի նախագահ Փերվեզ Մուշարրաֆը չի տուժել ահաբեկութեան հետեւանքով, որ հոկտեմբերի 30-ին մահապարտ ահաբեկիչը իրականացրել է Ռավալփինդի քաղաքում: Այս մասին լրագրողներին յայտնել է Պակիստանի ներքին գործերի նախարարութեան պաշտօնական ներկայացուցիչ Ջավեդ Իքբալ Չիման: Բանակի շտաբից եւ Մուշարրաֆի նստավայրից ոչ հեռու տեղի ունեցած պայթիւնի պահին պետութեան ղեկավարը գտնուել է իր աշխատասենեակում: Ահաբեկութեան հետեւանքով զոհուել է 7 մարդ, այդ թւում` ոստիկանութեան 2 աշխատակից:

---