ՀԱՅԱՍՏԱՆԻ 5 ԲՌՆՑՔԱՄԱՐՏԻԿՆԵՐ ԱՆՑԵԼ ԵՆ ԱՇԽԱՐՀԻ ԱՌԱՋՆՈՒԹԵԱՆ
1/8-ՐԴ ԵԶՐԱՓԱԿԻՉ
29-10-2007 15:44:00 | ԱՄՆ | Սպորտ
ՉԻԿԱԳՈ, 29 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Չիկագոյում
շարունակւում է բռնցքամարտի աշխարհի վարկանիշային առաջնութիւնը:
Հոկտեմբերի 28-ին Հայաստանի հաւաքականից ռինգ ելան Յովհաննէս
Դանիելեանը (48 կգ), Հրաչեա Ջավախյանը (60 կգ) եւ Ցոլակ Անանիկեանը
(81 կգ): Նրանք երեքն էլ յաղթեցին եւ անցան 1/8-րդ եզրափակիչ: Այդ
փուլում են հանդեաս կգան նաեւ Ազատ Յովհաննիսեանը (54 կգ) եւ
Էդվարդ Համբարձումեանը (64 կգ): Եթէ նրանք կարողանան յաղթանակներ
տանել նաեւ 1/8-րդ եզրափակիչում, ապա կարժանանան օլիմպիական
ուղեգրերի:
Դերենիկ Գիժլարեանը (51 կգ), Վաչագան Աւագեանը (54 կգ) եւ
Անդրանիկ Յակոբեանը (75 կգ) պարտուել են եւ դուրս են մնացել
պայքարից:
Հոկտեմբերի 29-ին առաջնութիւնում հանգստեան օր է
յայտարարուած: