ԱՄՆ-Ի` ԱՀԱԲԵԿՉՈՒԹԵԱՆ ՅԱՆՑԱԿՑՈՒԹԵԱՆ ՄԷՋ ԿԱՍԿԱԾՎՈՂ ԱՆՁԱՆՑ
ՑՈՒՑԱԿՈՒՄ ԸՆԴԳՐԿՈՒԱԾ Է ԱՒԵԼԻ ՔԱՆ 775 ՀԱԶԱՐ ԱՆՈՒՆ
26-10-2007 17:13:00 | ԱՄՆ | Միջազգային
ՎԱՇԻՆԳՏՈՆ, 26 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի
իշխանութիւնների կողմից կազմւող այն անձանց ցուցակում, ովքեր
կասկածւում են ահաբեկչութեանը յանցակցելու մէջ, արդէն գրանցուած է
աւելի քան 775 հազար անուն: Այս մասին յայտնել է ԱՄՆ-ի Կոնգրեսի
գլխաւոր վերահսկիչ-վերաքննիչ մարմինը` Կառավարութեան հաշուետւութեան
ենթակայության վարչութիւնը:
Միայն 2004 թուականին այդ ցուցակը, որով պէտք է առաջնորդուեն
անվտանգութեան ծառայութիւնները օդանավակայաններում, ծովային
նավահանգիստներում եւ ԱՄՆ մուտքի վերգետնեայ կէտերում, համալրուել է
200 հազար անունով: Ինչպէս ընդգծւում է վարչութեան զեկոյցում,
միեւնոյն մարդը կարող է ցուցակում յայտնուել մի քանի անգամ
ազգանուան սխալ գրութեան պատճառով: Ուստի ահաբեկչական
գործունէութեան մէջ կասկածուողների ստոյգ թիւը, հենուելով տուեալների
այս շտեմարանի վրայ, չափազանց դժուվար է ասել: